சந்தானம் நடிப்பில் இரண்டாண்டுக்கு முன் வெளியான படம் தில்லுக்கு துட்டு. இந்த படம் வணிக ரீதியில் பெரிய வெற்றியைப் பெற்றது. தற்போது இப்படத்தின் இரண்டாம் பாகம் தயாராகிறது.

இதனை முதல்பாகத்தின் இயக்குநரான ராம்பாலா உறுதிப்படுத்தியிருக்கிறார். மேலும் இது குறித்து அவர் பேசும் போது,‘தில்லுக்கு துட்டு படத்தின் இரண்டாம் பாகம் தயாராகிறது. இதில் நாயகி முதல் வேறு சில நடிகர்களும் மாறுகிறார்கள். இந்த படத்தை நான் தற்போது இயக்கி வரும் டாவு என்ற படத்தின் படபிடிப்பு முடிந்ததும் தொடங்கவிருக்கிறேன்.’ என்றார்.

சந்தானம் நடிப்பில் உருவான சர்வர் சுந்தரம், ஓடி ஓடி உழைக்கணும், மன்னவன் வந்தானடி ஆகிய படங்கள் விரைவில் வெளியாகும் என்று எதிர்பார்க்கப்படுகிறது.