தவறவிடாதீர்கள்..!உடனே பதிவு செய்யுங்கள்

பிரதமர் ரணில் விக்கிரமசிங்கவின் வேண்டுகோளுக்கிணங்க பாராளுமன்ற நிலையியற் கட்டளைகளின் 14 ஆம் இலக்க நிலையியற் கட்டளைகளின் பிரகாரம் நாளை காலை 10.30 மணிக்கு பாராளுமன்றத்தில் விசேட கூட்டமொன்றிற்கு அழைப்புவிடுக்கப்பட்டுள்ளதால் சகல பாராளுமன்ற உறுப்பினர்களையும் சமுகமளிக்குமாறு சபாநாயகர் கருஜயசூரிய கேட்டுக்கொண்டுள்ளார். 

இது தொடர்பாக சபாநாயகர் அலுவலகம் வெளியிட்டுள்ள ஊடக அறிக்கையில் மேலும் குறிப்பிடப்பட்டுள்ளதாவது,

இன்று நடைபெற்ற கட்சித்தலைவர்களின் கூட்டத்தில் மத்திய வங்கி பிணைமுறி மோசடி மற்றும் பாரிய ஊழல் மோசடி தொடர்பான ஜனாதிபதி ஆணைக்குழுவின் அறிக்கை மீதான விவாதம் நாளை நடைபெறவுள்ளமை தொடர்பான தீர்மானம் மேற்கொள்ளப்பட்டது.

இதற்கமைவாக நாளை காலை 10.30 மணியிலிருந்து மாலை 4 மணிவரை இந்த விவாதம் நடைபெறுமென குறிப்பிடப்பட்டுள்ளது.

இதேவேளை, எதிர்வரும் 20 ஆம் திகதியிலிருந்து இரண்டு நாட்களுக்கு இந்த விவாதத்தை நடத்துவதற்கு கட்சித்தலைவர்களின் கூட்டத்தில் உடன்பாடு காணப்பட்டுள்ளதாக பிரதியமைச்சர் அஜித் பி பெரேரா தெரிவித்துள்ளமை குறிப்பிடத்தக்கது.