இந்தியா - டெல்லியின் சாகுர்பஸ்தி பகுதியில் உச்சக்கட்ட வக்கிரம் ஒன்று அரங்கேறியுள்ளது. பிறந்து 8 மாதங்களே ஆன பெண் குழந்தையை 28 வயதான காமக்கொடூரன் ஒருவன் பாலியல் பலாத்காரம் செய்த கொடூர சம்பவம் நடந்துள்ளது.

8 மாத குழந்தையை அதன் பெற்றோர்கள் 28 வயதான ஒருவரின் மேற்பார்வையில் விட்டுவிட்டு வேலைக்கு சென்றுள்ளனர். அவர்கள் வேலைக்கு சென்ற பின்னர் அந்த நபர் குழந்தையை தனி அறைக்கு தூக்கி சென்று பாலியல் பலாத்காரம் செய்துள்ளார்.

இந்நிலையில் குழந்தையின் பிறப்புறுப்பில் இரத்தம் வருவதை பார்த்த பெற்றோர் குழந்தையை வைத்தியசாலைக்கு கொண்டு சென்றுள்ளனர். குழந்தையை பரிசோதித்த வைத்தியர்கள் குழந்தை பாலியல் பலாத்காரம் செய்யப்பட்டிருப்பதை உறுதி செய்தனர்.

வாயை துணியை வைத்து அடைத்து பலாத்காரம் செய்ததால்,  குழந்தை மூச்சு விடுவதற்கு சிரமப்பட்டு உயிருக்கு போராடிய நிலையில் சில அறுவை சிகிச்சைகள் குழந்தைக்கு செய்யப்பட்டுள்ளது.

இருப்பினும் குழந்தை ஆபத்தான கட்டத்திலேயே உள்ளதாக வைத்திய சாலை வட்டாரங்கள் தெரிவித்துள்ளன.

குழந்தையின் இந் நிலைமைக்கு காரணமான கொடூரனை பொலிஸார் கைது செய்து விசாரணை நடாத்தி வருகின்றனர்.