பெண் பொலிஸ் உத்தியோகத்தர் ஒருவரின் கணவர் தற்கொலைக்கு முயன்ற சம்பவம் கிளிநொச்சி, தர்மபுரம் பொலிஸ் நிலையத்தில் இடம்பெற்றுள்ளது.

தர்மபுரம் பொலிஸ் நிலையத்தில் சேவையாற்றும் பெண் பொலிஸ் உத்தியோகத்தரைக் காண, அவரது கணவர் நேற்று (20) பகல் பொலிஸ் நிலையம் சென்றுள்ளார்.

அங்கு, தன் பொலிஸ் மனைவியுடன் அவர் வாக்குவாதத்தில் ஈடுபட்டார்.

சில நிமிட நேரம் நீடித்த இந்த வாக்குவாதத்தைத் தொடர்ந்து, திடீரென அந்த நபர், தன் வசமிருந்த நஞ்சு போத்தலைத் திறந்து நஞ்சை அருந்திவிட்டார்.

இதைக் கண்டு பதறிய பொலிஸ் மனைவி, சக உத்தியோகத்தர்களின் உதவியுடன் தன் கணவரை கிளிநொச்சி வைத்தியசாலையில் அனுமதித்தார்.

குடும்பத் தகராறு காரணமாகவே அவர் தற்கொலை முயற்சியில் ஈடுபட்டதாகத் தெரியவருகிறது.