2017 ஆம் ஆண்டு உலகளாவிய ரீதியில் பாதுகாப்பு அழுத்தங்கள் அதிகரித்து காணப்பட்ட போதிலும் சுற்றுலாத்துறைக்கு சிறந்த ஆண்டாக திகழ்ந்துள்ளதாக தெரிவித்துள்ள உலக சுற்றுலா அமைப்பு 2016 ஆம் ஆண்டுடன் ஒப்பிடுகையில் 2017 ஆம் ஆண்டு 7 சதவீத அதிகரிப்பை பதிவு செய்து 1.32 பில்லியன் சுற்றுலாப்பயணிகளின் வருகையை உலக நாடுகள் பதிவு செய்துள்ளதாக தெரிவித்துள்ளது.
அதன்படி ஐரோப்பிய நாடுகளுக்கு வருகைத்தந்த வெளிநாட்டு சுற்றுலாப்பயணிகளின் எண்ணிக்கை 2016 ஆம் ஆண்டுடன் ஒப்பிடுகையில் 8 சதவீத வளர்ச்சியுடன் 671 மில்லியனை பதிவு செய்துள்ளது.
அதேபோல் ஆசியா மற்றும் பசுபிக் வலயங்களுக்கு வருகைத்தந்த சுற்றுலாப்பயணிகளின் எண்ணிக்கை கடந்த 2016 ஆம் ஆண்டுடன் ஒப்பிடுகையில் 6 சதவீத வளர்ச்சியுடன் 324 மில்லியனாக பதிவு செய்யப்பட்டுள்ளதுடன் தெற்காசியாவில் 10 சதவீத வளர்ச்சியையும் தென் கிழக்காசியா 8 சதவீத வளர்ச்சியையும் வடக்கிழக்காசியா 3 சதவீத வளர்ச்சியையும் பதிவு செய்துள்ளன.
அமெரிக்கா 2017 ஆம் ஆண்டில் 3சதவீத வளர்ச்சியுடன் 207 மில்லியன் சுற்றுலாப்பயணிகளின் வருகையை பதிவு செய்துள்ளது.
மேலும் ஆபிரிக்க கண்டத்தில் தற்போது வரை உள்ள புள்ளிவிபரங்களின் பிரகாரம் இக்கண்டம் 8 சதவீத வளர்ச்சியை பதிவு செய்துள்ளதாக தெரிவிக்கப்பட்டுள்ளது.
அத்துடன் மத்திய கிழக்கு நாடுகள் 5 சதவீத வளர்ச்சியுடன் 58 மில்லியன் சுற்றுலாப்பயணிகள் வருகையை பதிவுசெய்துள்ளமையும் சுட்டிக்காட்டப்பட்டுள்ளது.
உலக பொருளாதார நெருக்கடியினால் சுற்றுலாத்துறையானது கடந்த காலங்களில் வீழ்ச்சியடைந்த போதிலும் கடந்த வருடத்தில் சுற்றுலாத்துறையில் வெளியான வளர்ச்சி போக்கானது 7 வருடங்களுக்கு பின் ஏற்பட்ட வளர்ச்சியாக கருதப்படுவதாக உலக சுற்றுலா அமைப்பு மேலும் சுட்டிக்காட்டியுள்ளது.
அத்துடன் 2009 ஆம் ஆண்டுக்கு பின்னரான காலப்பகுதியில் ஏற்பட்ட பொருளாதார மற்றும் நிதி நெருக்கடிக்கு பின்னர் உலக நாடுகளின் பொருளாதார நிலைமை வளர்ச்சி கண்டு வருவதால் இவ்வளர்ச்சிப்போக்கு 2018 ஆம் ஆண்டிலும் 4%- - 5% ஆக தொடரும் என எதிர்பார்க்கப்பட்டுள்ளது.
2017 ஆம் ஆண்டில் உலகில் அதிகளவான சுற்றுலாப்பயணிகளை கவர்ந்த நாடுகள் வரிசையில் 82.6 மில்லியன் சுற்றுலாப்பயணிகள் வருகையை பதிவு செய்துள்ள பிரான்ஸ் முதலிடத்தை பெற்றுள்ளதாக உலக சுற்றுலா அமைப்பு தெரிவித்துள்ளது.
மேலும் ஸ்பெயின் அமெரிக்காவை பின் தள்ளி இரண்டாம் இடத்தை பிடித்துள்ளதாகவும் தெரிவிக்கப்பட்டுள்ளது.
சுற்றுலாப்பயணிகளின் வருகையில் உலகளாவிய ரீதியில் இரண்டாம் இடம் வகிக்கும் ஸ்பெயின் கடந்த 2017 ஆம் ஆண்டு 82 மில்லியனுக்கு அதிகமான சுற்றுலாப்பயணிகள் வருகையை பதிவு செய்துள்ளது. எவ்வாறாயினும் ஐக்கிய அமெரிக்கா தமது நாட்டுக்கு வருகைத்தந்த சுற்றுலாப்பயணிகளின் எண்ணிக்கை விபரத்தை வெளியிடவில்லை என இவ் அமைப்பு சுட்டிக்காட்டியுள்ளது. அமெரிக்காவானது தமது நாட்டுக்கு வருகைத்தந்த சுற்றுலாப்பயணிகளின் புள்ளி விபர அறிக்கையை ஜூன் மாதத்திலேயே வெளியிடும் என்பது குறிப்பிடத்தக்கதாகும்.
இந்நிலையில் சுற்றுலா பயணிகளை அதிகம் கவர்ந்த நாடுகளான எகிப்து, டியுனீசியா மற்றும் துருக்கி போன்ற நாடுகளில் நிலவிய தீவிரவாத மற்றும் இனவாத நெருக்கடி காரணமாக இந் நாடுகளுக்கு வருகைத்தந்த சுற்றுலாப் பயணிகளின் எண்ணிக்கையில் வீழ்ச்சி ஏற்பட்டுள்ளதாக சுட்டிக்காட்ட ப்பட்டுள்ளது.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM