தவறவிடாதீர்கள்..!உடனே பதிவு செய்யுங்கள்

புதிய கட்­சியை உரு­வாக்கி ஸ்ரீலங்கா சுதந்­திரக் கட்­சியை வீழ்த்­து­வ­தாக கூறும்  தலைவ­ருக்கும் அவ­ரது கூட்­ட­ணிக்கும்  முது­கெ­லும்பு இருக்­கு­மாயின் ஸ்ரீலங்கா சுதந்­திர கட்­சியில் இருந்து நீங்கி தனித்து பய­ணத்தை ஆரம்­பித்துக் காட்­டு­மாறு கூறு­கின்றேன்.  எனது கட்­சியின் கொள்­கை­யினை வைத்­து­கொண்டு செயற்­பட வேண்டாம்  என்று ஜனா­தி­பதி மைத்­தி­ரி­பால சிறி­சேன தெரி­வித்தார். 

இப்­போ­தைய ஊழல் வாதி­க­ளுக்கும், முன்­னைய ஊழல் வாதி­க­ளுக்கும் சட்­டத்தின் மூலம் உய­ரிய தண்­ட­னை­யினை பெற்­றுக்­கொ­டுப்பேன் எனவும் அவர் குறிப்­பிட்டார். 

ஸ்ரீலங்கா சுதந்­திர கட்­சியின் தலை­மை­யி­லான ஐக்­கிய மக்கள் சுதந்­திர முன்­ன­ணியின் தேர்தல் பிரச்­சார நகர்­வுகள் நாடு பூரா­கவும் முன்­னெ­டுக்­கப்­பட்டு வரு­கின்ற நிலையில் அத்­த­ன­கல பகு­தியில் நேற்று முன்­தினம் நடந்த மக்கள் கூட்­டத்தில் அவர் இதனைக் குறிப்­பிட்டார்.

 அவர் மேலும்  அங்கு உரை­யாற்­று­கையில் 

கள்­ளர்கள், ஊழல் வாதிகள் நிறைந்த  அர­சியல் சூழ­லி­லேயே நாம் எனது பய­ணத்தை முன்­னெ­டுத்து செல்­ல­வேண்­டிய நிலைமை ஏற்­பட்­டுள்­ளது. இதில் இந்த நாட்டை தூய்­மை­யாக முன்­னெ­டுத்து செல்லும் எனது பய­ணத்தில் எந்த கட்­சி­யாக இருந்­தாலும் சரி அல்­லது எந்தப் பத­வி­யி­ன­ராக இருந்­தாலும் சரி ஊழல் செய்­ப­வர்­க­ளையும்,  முன்னர் செய்­த­வர்­க­ளையும்  பாகு­பாடு இன்றி தண்­டித்து நீதியை நிலை­நாட்­டுவேன். 

குற்­ற­வா­ளி­க­ளுக்­கான உய­ரிய தண்­ட­னை­யினை பெற்­றுக்­கொ­டுக்க சட்­டத்தின் மூலம் என்னால் செய்ய முடிந்த அனைத்­தையும் நான் செய்வேன். நான் பத­வியை வைத்­து­கொண்டு விளை­யாட ஆட்­சிக்கு வர­வில்லை. நான் சுகா­தார அமைச்­ச­ராக இருந்த காலத்தில் இருந்து சிகெரட் நிறு­வ­னங்­களை பகைத்­துக்­கொண்­டுள்ளேன். சில மருத்­துவ நிறு­வ­னங்­களை பகைத்­துக்­கொண்­டுள்ளேன். அவை  அனைத்தும் எமது நாட்­டுக்கு பாதிப்பை ஏற்­ப­டுத்தும் என்­பதை நான் நன்­றாக உணர்­கின்றேன்.  

இப்­போது மத்­திய வங்கி பிணை­முறி விவ­கா­ரத்­திலும் பல அழுத்­தங்கள் உள்­ளன. எனினும் நான் ஜனா­தி­பதி ஆணைக்­கு­ழுவை நிய­மித்து உண்­மை­களை கண்­ட­றிந்து அதற்­கான  நட­வ­டிக்­கை­களை முன்­னெ­டுக்கும் செயற்­பா­டு­களை செய்து வரு­கின்றேன் . நான் ஆணைக்­குழு அமைத்தும் விசா­ர­ணை­களை முன்­னெ­டுத்­தது   பொழு­து­போக்­குக்­காக    விளை­யாட அல்ல. மக்­களின் வேதனை என்­ன­வென்­பதை   என்னால் உணர முடி­கின்­றது. அதற்­கான நியாயம் என் மூல­மாக கிடைக்கும். அந்த வாக்­கு­று­தியை நான் மக்­க­ளுக்கு கொடுக்­கின்றேன். 

இன்று ஸ்ரீலங்கா சுதந்­திர கட்­சியை பிள­வு­ப­டுத்தி அதன் மூல­மாக எம்மை வீழ்த்த சிலர் முயற்­சித்து வரு­கின்­றனர். இவர்கள் மீண்டும் எமது கொள்­கை­யினை அழிக்கும் செயற்­பா­டு­களை முன்­னெ­டுத்து வரு­கின்­றனர். எமது பாரம்­ப­ரிய உணர்­வு­களை அழிக்கும் நட­வ­டிக்­கை­களை இவர்கள் முன்­னெ­டுத்து வரு­கின்­றனர். ஆகவே இவர்­களின் கட்சி உறுப்­பு­ரி­மை­யினை நீக்கும் செயற்­பா­டு­களை இவர்­களே முன்­னெ­டுத்து வரு­கின்­றனர். இவர்கள் ஊடக சந்­திப்­பு­களில் தான் புதிய கட்­சியை உரு­வாக்­க­வில்லை என கூறிக்­கொண்டு  மக்­க­ளிடம் புதிய கட்­சிக்கு வாக்­க­ளிக்க கூறு­கின்­றனர். 

இவர்­க­ளுக்கு முது­கெ­லும்பு இருக்­கு­மென்றால் , மேடையில் வீரர்கள் போல கதைப்­பது உண்­மை­யெனின் அதன் தலைவர் உள்­ளிட்ட அனை­வரும் ஸ்ரீலங்கா சுதந்­திர கட்­சியை விட்டு வெளி­யேறி தனிக் கட்­சி­யினை உரு­வாக்கிக் காட்ட வேண்டும். நாம் தான் இந்த புதிய  கட்­சியின் உறுப்­பி­னர்கள் என்­பதை  வெளிப்­ப­டுத்திக் காட்­ட­வேண்டும். ஸ்ரீலங்கா சுதந்திர கட்சியில் இருந்து வெளியேறி வெற்றிபெற்றுக் காட்டுங்கள். கட்சியின் கொள்கையும் வேண்டும், கட்சியின் பலகையும் வேண்டும், அடையாளம் வேண்டும் ஆனால் தான் ஸ்ரீலங்கா சுதந்திர கட்சியாக செயற்படப்போவதில்லை எனவும் கூறுகின்றனர். இவர்களின் செயற்பாடுகள் வெட்கப்பட வேண்டியவையாகும்   எனவும் ஜனாதிபதி குறிப்பிட்டார்.