இலங்கை, சிம்­பாப்வே, பங்­க­ளாதேஷ் ஆகிய அணிகள் மோதும் ஒருநாள் முக்­கோணத் தொடர் இன்று பங்­க­ளா­தேஷில் ஆரம்­ப­மா­கியது.

இந்தத் தொடரில் இன்று நடை­பெ­ற­வுள்ள முத­லா­வது போட்­டியில் போட்­டியை நடத்தும் பங்­க­ளாதேஷ் மற்றும் சிம்­பாப்வே ஆகிய அணிகள் மோது­கின்­றன.

இப் போட்டியில் நாணயச்சுழற்சியில் வெற்றிபெற்ற பங்களாதேஷ் அணி முதலில் களத்தடுப்பில் ஈடுபடத் தீர்மானித்தது.

அதன்படி முதலில் துடுப்பெடுத்தாடக் களமிறங்கிய சிம்பாப்வே அணி 14 ஓவர்களில் 3 விக்கெட்டுகளை இழந்து 42 ஓட்டங்களைப் பெற்றுள்ளது.

இம்­மூன்று அணி­க­ளுக்கும் 2018ஆம் ஆண்டின் முத­லா­வது தொடர் இது என்­பது விசேட அம்­ச­மாகும். அது­மட்­டு­மன்றி இலங்கை -மற்றும் பங்­க­ளாதேஷ் ஆகிய அணி­க­ளுக்கு இது முக்­கி­ய­மான போட்டித் தொடராகும்.

அது­மட்­டு­மன்றி இலங்கை அணியின் தலைமைப் பயிற்­சி­யாளர் சந்­திக்க ஹத்­து­ரு­சிங்­க­வுக்கு இந்தத் தொடர் மிக மிக முக்­கி­ய­மா­ன­தாகும். 

காரணம் பங்­க­ளா­தேஷின் முன்னாள் பயிற்­சி­யாளர் என்ற ரீதியில் இலங்கை அணியை பொறுப்­பேற்ற பின் சந்­திக்க ஹத்­து­ரு­சிங்க எதிர்­கொள்ளும் முத­லா­வது தொடரும் இது­வென்­ப­துதான்.

அது­மட்­டு­மன்றி கடந்த ஆண்டு சிம்­பாப்வே மற்றும் பங்­க­ளாதேஷ் ஆகிய இவ்­விரு அணி­களும் இலங்கை அணியை இலங்கை மண்ணில் வைத்தே வீழ்த்­தி­யி­ருந்­தன.

அதனால் அந்தத் தோல்­வி­க­ளுக்கு பதி­லடி கொடுக்க இந்தத் தொடரை பயன்­ப­டுத்தும் இலங்கை.

அதே­வேளை சிம்­பாப்வே அணிக்­கெ­தி­ராக இலங்­கையில் நடை­பெற்ற தொடரில் அடைந்த தோல்­விக்குப் பின்­னரே அஞ்­சலோ மெத்­தியூஸ் தனது பத­வியை இரா­ஜி­னாமா செய்தார்.

அதேபோல் மீண்டும் தலைவர் பத­வியை ஏற்று சிம்­பாப்­வே­வு­டனேயே மோதப்­போ­வதால் போட்டித் தொடர் கடும் சவா­லாக அமைய வாய்ப்­புள்­ளது.

இதே­நேரம் பங்­க­ளா­தேஷும் தங்கள் நாட்டில் தொடரை இழக்க விரும்­பாது. அதனால் அவர்­களும் மற்றைய இரு அணி­க­ளுக்கும் கடும் நெருக்­கடி கொடுப்­பார்கள் என்று எதிர்­பார்க்­கப்­ப­டு­கி­றது.

பொறுத்­தி­ருந்து பார்ப்போம் முக்­கோணத் தொடரை வெல்­லப்­போ­வது யார் என்று. 

இலங்கை அணி விவரம்,

அஞ்­சலோ மெத்­தியூஸ், உபுல் தரங்க, தனுஷ்க குண­தி­லக, குசல் மெண்டிஸ், தினேஷ் சந்­திமால், குசல் ஜனித் பெரேரா, திஸர பெரேரா, அசேல குண­ரத்ன, நிரோஷன் டிக்­வெல்ல, சுரங்க லக்மால், நுவான் பிரதீப், துஷ்மந்த சாமிர, ஷெஹான் மதுசங்க, அகில தனஞ்சய, சந்தகன், வனிது ஹசரங்க ஆகியோர் 16 பேர் கொண்ட இலங்கை குழாமில் இடம்பெற்றுள்ளனர்.