தவறவிடாதீர்கள்..!உடனே பதிவு செய்யுங்கள்

ஹட்டன் - நுவரெலியா பிரதான வீதியில் இன்று மதியம் 2 மணியளவில்  இடம் பெற்ற வீதி விபத்தில் படுகாயமடைந்த நிலையில் பாடசாலை மாணவன் ஒருவர் லிந்துல வைத்தியசாலையில் அனுமதிக்கப்பட்டு  மேலதிக சிகிச்சைகளுக்காக  நுவரெலியா மாவட்ட வைத்தியசாலைக்கு அனுப்பப்படவுள்ளார்.

மாணவன்வீதியை கடக்க முயன்ற போது நுவரெலியாவிலிருந்து வந்த தனியார் சொகுசு வாகனத்தை முந்திக் கொண்டு வந்த மோட்டார் சைக்கிளில் மோதுண்டே குறித்த விபத்து சம்பவித்துள்ளது.

விபத்தில் சமர்செட் தோட்டத்தை  சேர்ந்த  தலவாக்கலை தமிழ் மகா வித்தியாலயத்தில் தரம் 6 இல் கல்வி பயிலும், 11 வயதான சுவிஷன்  என்ற மாணவனே படுகாயமடைந்துள்ளார்.

விபத்து தொடர்பான விசாரனைகளை தலவாக்கலை பொலிஸார் மேற்கொண்டு வருகின்றனர்.

இப்பாடசாலை அருகே வீதியை கடக்க பாதசாரி கடவைகள் இன்மையினாலும் வேகத்தடைகள் போடப்படாமையினாலும் மாணவர்களின் பாதுகாப்புக்கு அச்சுறுத்தல் ஏற்பட்டுள்ளது எனவும் இவ்விடயம் தொடர்பாக வீதி அபிவிருத்தி அதிகார சபை மற்றும் நகர சபைக்கு பல தடவைகள் அறிவித்துள்ள போதிலும் எவ்வித நடவடிக்கைகளும் சம்பந்தப்பட்ட அதிகாரிகள் இதுவரை மேற்கொள்ளவில்லை  எனவும் பாடசாலை நிர்வாகத்தினரும் அப் பகுதி மக்களும் விசனம் தெரிவிக்கின்றனர்.