கரடியனாறு பொலிஸ் பிரிவின் கார்மலைப் பகுதியில் இன்று அதிகாலை 5 மணியளவில் காட்டு யானைத் தாக்குதலினால் விவசாயி ஒருவர் கொல்லப்பட்டதாக பொலிஸார் தெரிவித்தனர்.

ஏறாவூர் பெண்பாடசாலை வீதியைச் சேர்ந்த சின்னலெப்பை நூர்முஹம்மது (56) (மாலையர் சின்னத்தம்பி) என்பவரே கொல்லப்பட்டுள்ளார்.

இவர் மாடுகளைப் பராமரிப்பதற்காக பொருட்களை வாங்கிக் கொண்டு அப்பகுதிக்குச் சென்றபோது காடுகளுக்குள் இருந்து வந்த யானைகளில் ஒன்று தாக்கியதில் ஸ்தலத்திலேயே கொல்லப்பட்டுள்ளார்.

சடலம் உடற்கூறு பரிசோதனைக்காக கரடியனாறு பிரதேச வைத்தியசாலைக்குக் கொண்டு வரப்பட்டுள்ளதாகவும் மேலதிக விசாரணைகள் இடம்பெறுவதாகவும் பொலிஸார் தெரிவித்தனர்.