ஒருநாள் மற்றும் இரு­ப­துக்கு 20 கிரிக்கெட் போட்­டி­க­ளுக்­கான இலங்கை அணிக்கு அஞ்­சலோ மெத்­தியூஸ் மீண்டும் தலை­வ­ராக நிய­மிக்­கப்­பட்­டுள்ளார்.

இந்தப் பத­வியும் நிரந்­த­ரமா என்று கேட்­ட­தற்கு, இனி எந்த மாற்­றமும் தலைமைப் பத­வியில் நேராது என தேர்­வுக்­குழுத் தலை­வரும் இலங்கைக் கிரிக்கெட் நிறுவனத் தலைவரும் உறு­தி­யாக தெரி­வித்­து­விட்ட னர்.

இலங்கை கிரிக்கெட் அணி, கடந்த ஓர் ஆண்­டா­கவே தொடர் சரிவைச் சந்­தித்­து­வ­ரு­கி­றது. 

டெஸ்ட், ஒருநாள், இரு­ப­துக்கு என அனைத்து வகைக் கிரிக்கெட் போட்­டி­க­ளிலும் தோல்­விக்கு மேல் தோல்வி. விளைவு, தொடர்ச்­சி­யாக அணித் தலை­வரை மாற்றி, புதுப்­புது உத்­தி­களைக் கையாண்­டு­வந்­தது இலங்கைக் கிரிக்கெட் நிர்­வாகம். 

ஆனால், எந்த உத்­திக்கும் பலன் கிடைத்­த­பா­டில்லை.அதே தோல்­வி­களைத் தான் சந்­தித்­தது. இந்­நி­லையில், எல்லாம் ஆரம்­பித்த இடத்­தி­லேயே வந்து நிற்­கி­றது இலங்கை கிரிக்கெட் நிறு­வனம். 

கடந்த ஆண்டு ஜூலை மாதம், சிம்­பாப்வே அணிக்கு எதி­ராக இலங்கை அணி,  ஒருநாள் தொடரில் மண்ணைக் கௌவி­ய­வுடன், அணியின் தலை­வ­ரா­க­வி­ருந்த அஞ்­சலோ மெத்­தியூஸ் பதவி வில­கினார். 

அதன் பின்னர், உபுல் தரங்க அணியின் தலை­வ­ராக நிய­மிக்­கப்­பட்டார். இறு­தி­யாக, திஸர பெரேரா தலை­வ­ராக்­கப்­பட்டார். ஆனால் இலங்கை, வெற்­றியை மட்டும் எட்­டி­ய­பா­டில்லை. 

 இக்­கட்­டான  இந்தச் சூழ்­நி­லை­யில்தான், புதிய பயிற்­சி­யா­ள­ராக சந்­திக்க ஹத்து­ரு­சிங்க நிய­மிக்­கப்­பட்­டுள்ளார். 

அவ­ருக்கு, அணியின் தலை­வ­ராக ஒருவர் நிய­மிக்­கப்­பட்டு, எதிர்­வரும் 2019ஆம் ஆண்டு நடை­பெ­ற­வுள்ள உலகக் கிண்­ண போட்டிகள் வரை அவரே அந்தப் பத­வியில் தொடர வேண்டும் என்று வலி­யு­றுத்­தப்­பட்­டது.

இந்­நி­லை­யி­ல் மீண்டும் விட்ட இடத்­தி­லேயே அனைத்தும் தொடங்­கி­யுள்­ளன. அதன்­படி மீண்டும் அஞ்­சலோ மெத்­தி­யூ­ஸையே அழைத்து வந்து தலைவர் பத­வியில் அமர்த்­தி­யுள்­ளது இலங்கைக் கிரிக்கெட் நிறு­வனம்.

இந்த அறி­வித்­தலை விடுக்கும் ஊட­க­வி­ய­லாளர் சந்­திப்­பொன்று நேற்று கிரிக்கெட் நிறு­வ­னத்தில் நடை­பெற்­றது.

இதில் கலந்­து­கொண்டு கருத்து தெரி­வித்த புதிய இலங்கை அணித் தலைவர் அஞ்­சலோ மெத்­தியூஸ், மீண்டும் தலைவர் பத­வியை பெற்­றுக்­கொள்ளும் நோக்­கத்­தோடு நான் அன்று பத­வியை துறக்­க­வில்லை.

இளம் வீரர் ஒருவருக்கு அணியைக் கட்டியெழுப்புவதற்கு வாய்ப்பு கொடுத்துவிட்டு விலகுவதுதான் சரியென்று அன்று நான் நினைத்தேன். 

ஆனால் பயிற்­சி­யா­ளரும், இலங்கைக் கிரிக்கெட் நிர்­வா­கமும் கேட்­டுக்­கொண்­ட­தற்­கி­ணங்க மீண்டும் தலைவர் பொறுப்பை இப்போது ஏற்­றுள்ளேன்.

நான் கடந்த பத்து வரு­டங்­க­ளாக விளை­யா­டு­கின்றேன். இந்த கிரிக்கெட் எனக்கு நிறைய தந்திருக்கிறது.

இக்­கட்­டான இந்த நிலையில் நான் இலங்கை கிரிக்­கெட்­டுக்கு சேவை­யாற்ற கிடைத்த வாய்ப்பை உதறித் தள்­ளினால் துரோகம் செய்­த­வ­னா­கி­வி­டுவேன். அத­னால்தான் தலைவர் பொறுப்பை மீண்டும் ஏற்றேன் என்றார்.

அஞ்சலோ மெத்தியூஸாவது நீண்டகாலத் தலைவராக நீடிப்பாரா என்று ஊடகவியலாளர்கள் எழுப்பிய கேள்விக்கு பதிலளித்த, தேர்வுக்குழுத் தலைவர் கிரஹம் லெப்ரோய், இனி எந்தவித தலைவர் மாற்றமும் நிகழாது. அது நிச்சயம் என்றார்.