மது வரி திணைக்­க­ளத்தின் வட மேல் மாகாண உதவி ஆணை­யா­ளரின் வீட்டின் மீது நேற்று அதி­காலை கைக்­குண்டுத் தாக்­குதல் நடத்­தப்­பட்­டுள்­ளது. மது வரி திணைக்­க­ளத்தின் வட மேல் மாகாண உதவி ஆணை­யாளர் லெஸ்லி ஜய­ரத்ன ரண­வீ­ரவின் பன்­னலை மாகந்­துர, கோர­லே­கம பகு­தியில் அமைந்­துள்ள இரு மாடி வீட்டின் மீதே இந்த கைக்­குன்டுத் தாக்­குதல் நடத்­தப்­பட்­டுள்­ள­தாக பன்­னலை பொலிஸார் தெரி­வித்­தனர். 

இந்த தாக்­கு­த­லா­னது நேற்று அதி­காலை 2.00 மணி­ய­ளவில், மது வரி திணைக்­க­ளத்தின் வட மேல் மாகாண உதவி ஆணை­யாளர் லெஸ்லி ஜய­ரத்ன தனது மனைவி பிள்­ளை­க­ளுடன் தனது வீட்டின் மேல் மாடியில் உள்ள அறை­யொன்றில் உறங்­கிக்­கொண்­டி­ருந்த போது நடத்­தப்பட்­டுள்­ளது. 

வீசப்­பட்ட கைக்­குண்­டா­னது வீட்டின் கீழ் மாடி­யுடன் அமைந்­துள்ள வாகன தரிப்­பி­டத்தில் விழுந்­துள்­ள­துடன் இதன்­போது மது வரி திணைக்­க­ளத்தின் வட மேல் மாகாண உதவி ஆணை­யாளர் லெஸ்லி ஜய­ரத்­னவின் உத்­தி­யோ­க­பூர்வ வாகனம், அவ­ரது தனிப்­பட்ட வாக­னங்­க­ளான வேன், பஸ் ஆகி­ய­வற்­றுக்கு இதன்­போது சேதம் ஏற்­பட்­டுள்­ளது.  உதவி ஆணை­ய­ா ­ள­ருக்கோ அவ­ரது குடும்­பத்­தா­ருக்கோ இதன்­போது எவ்­வித காயங்­களும் ஏற்­ப­ட­வில்லை என பொலிஸார் தெரி­வித்­தனர்.

இந் நிலையில் சம்­ப­வத்தை அடுத்து குரு­ணாகல் பிரதிப் பொலிஸ் மா அதிபர் எம்.ஏ.ஈ. மகேந்­ராவின் உத்­த­ர­வுக்கு அமைய குளி­யாப்­பிட்டி சிரேஷ்ட பொலிஸ் அத்­தி­யட்சர்  கபில கட்­டு­பிட்­டி­யவின் நேரடி கட்­டுப்­பாட்டில் குளி­யா­ப்பிட்­டி உதவி பொலிஸ் அத்­தி­யட்சர் நிமல் பண்­டா­ரவின் ஆலோ­ச­னைக்கு அமைய விசா­ர­ணைக்கு என மூன்று பொலிஸ் குழுக்கள் அமைக்­கப்­பட்­டுள்­ளன. 

பன்­னலை பொலிஸ் நிலைய பொறுப்­ப­தி­காரி பிர­தான பொலிஸ் பரி­சோ­தகர் ஆர். குமா­ர­தா­ஸவின் தலை­மையில் அந்த பொலிஸ் நிலை­யத்தின் குற்­ற­வியல் பிரிவு மற்றும் குளி­யா­ப்பிட்­டி சிரேஷ்ட பொலிஸ் அத்­தி­யட்­சரின் கீழ் உள்ள  தீர்க்­கப்­ப­டாத குற்­றங்கள் தொடர்­பி­லான விசா­ரணைப் பிரிவு ஆகி­ய­வற்றை உள்­ள­டக்கி இந்த மூன்று பொலிஸ் குழுக்­களும் அமைக்­கப்­பட்­டுள்­ளன.

சம்­பவம் தொடர்பில் விசா­ர­ணை­களை ஆரம்­பித்­துள்ள பொலிஸார், மது வரி திணைக்­க­ளத்தின் வட மேல் மாகாண உதவி ஆணை­யாளர் லெஸ்லி ஜய­ரத்­னவின் வீட்டு கராஜில் தங்­கி­யி­ருந்­த­தாக கூறப்­படும் மூவ­ரிடம் வாக்கு மூலம் பெற்­றுள்­ளனர். அவர்­க­ளது வாக்குமூலத்தில் குண்டு வீசப்பட்­டதன் பின்னர் வீட்டின் முன்னால் நின்­றி­ருந்த முச்­சக்­கர வண்­டி­யொன்று உடன் இயக்­கப்பட்டு வேக­மாக சென்­றுள்­ளமை தெரி­ய­வந்­துள்­ளது.

அத்­துடன் மது வரி திணைக்­க­ளத்தின் வட மேல் மாகாண உதவி ஆணை­யாளர் லெஸ்லி ஜய­ரத்­னவின் வாக்குமூலத்தின் பிரகாரம், பிரதேசத்தின் கள்ளச்சாராய ஒழிப்பு தொடர்பில் முன்னின்று செயற்பட்டமையால் அதற்கு பழி வாங்கும் நோக்கில்  கைக்குண்டு வீச்சு நடத்தப்பட்டதா எனும் தோரணை யிலும் விசாரணைகள் முன்னெ டுக்கப்பட் டுள்ளன.