தவறவிடாதீர்கள்..!உடனே பதிவு செய்யுங்கள்

வவுனியா, ஈரப்பெரியகுளம் பகுதியிலுள்ள புகையிரதக் கம்பத்துடன் மோதி மோட்டர் சைக்கிளொன்று விபத்துக்குள்ளானதில் அதில் பயணித்த இளைஞன் படுகாயமடைந்துள்ளதாக ஈரப்பெரியகுளம் பொலிசார் தெரிவித்தனர்.

இச் சம்பவம் நேற்று மாலை இடம்பெற்றுள்ளதாக பொலிஸார் தெரிவித்தனர்.

வவுனியா, ஈரப்பெரியகுளம், அவுசப்பிட்டிய பகுதியில் பயணித்துக்கொண்டிருந்த மோட்டர் சைக்கிள் ஒன்று வேகக்கட்டுப்பாட்டை இழந்து புகையிரத பாதையில் இருந்த கம்பத்துடன் மோதி விபத்துக்குள்ளானது. 

இதன்போது தூக்கி வீசப்பட்ட மோட்டர் சைக்கிள் இரண்டாக உடைந்ந நிலையில் முன்னே சென்ற காருடன் மோதி மீண்டும் விபத்துக்குள்ளானது.

வேகக்கட்டுப்பாட்டை இழந்த நிலையிலேயே குறித்த மோட்டர் சைக்கிள் விபத்துக்குள்ளாகியுள்ளதாக பொலிஸாரின் ஆரம்பகட்ட விசாரணைகளில் இருந்து தெரியவந்துள்ளது. 

இவ்விபத்தின் போது மோட்டார் சைக்கிளை செலுத்திச்சென்ற 25 வயதுடைய இளைஞன் படுகாயமடைந்த நிலையில் வவுனியா வைத்தியசாலையில் சிகிச்சைக்காக அனுமதிக்கப்பட்டுள்ளார்.