தவறவிடாதீர்கள்..!உடனே பதிவு செய்யுங்கள்

கள்ளக் காத­ல­னோடு இருந்­ததைப் பார்த்­ததால், மகள் என்றும் பாராமல் பெற்ற தாயே பிளேடால் கழுத்தை அறுத்துக் கொன்­ற சம்பவம் பொதுமக்களிடையே அப்­ப­கு­தியில் அதிர்ச்­சியை ஏற்­ப­டுத்­தி­யுள்­ளது.

தலை­நகர் டெல்லி அருகில் உள்­ளது காஜி­யாப்பூர் கிரா­மத்தைச் சேர்ந்­தவர் முன்­னி­தேவி (30). இவ­ரது மகள் காஜல் (6). கடந்த சில தினங்­க­ளுக்கு முன், தனது மகள் காஜலை காண­வில்லை என்று பொலிஸ் நிலை­யத்தில் முன்­னி­தேவி முறை­யிட்டார்.

இது குறித்து பொலிஸார் விசா­ரித்­துத் தேடிய­போது சிறுமி காஜல், கழுத்­த­று­பட்ட நிலையில் சட­ல­மாக மீட்­கப்­பட்டாள். இது­தொ­டர்­பாக பொலிஸார் மேல­திக விசா­ர­ணை­களை மேற்கொண்ட­போது தனது மக­ளுக்கு யாரோ செய்­வினை வைத்து கொலை செய்­த­தா­கவும் முன்­னுக்குப் பின் முர­ணாக முன்­னி­தேவி பதி­ல­ளித்தார். இதனால் பொலி­ஸா­ருக்கு முன்­னி­தேவி மீது சந்­தேகம் ஏற்­பட்­டது. தொடர்ந்து அவரை கண்­கா­ணித்த பொலிஸார் விசா­ர­ணையை தீவி­ரப்­ப­டுத்­திய போது இறு­தியில், முன்­னி­தே­வியே தனது மகளைக் கொன்று நாட­க­மா­டி­யதை ஒப்புக் கொண்டார். பொலி­ஸா­ரிடம் முன்­னி­தேவி அளித்த வாக்­கு­மூலம் விவரம் வரு­மாறு:

சம்­பவம் நடந்த தினத்­தன்று எனது கணவர் அலு­வ­ல­கத்­துக்கு சென்றிருந்தார். அவர் சென்­றதும் எனது காத­ல­னோடு வீட்டின் மொட்டை மாடியில் தனி­யாக பேசிக் கொண்­டி­ருந்தேன். அப்­போது அங்கு வந்த காஜல் நான் தனி­யாக வேறு ஒரு­வ­ருடன் பேசி­யதை பார்த்து விட்டார். இந்த விவ­காரம் கண­வ­ருக்கு தெரிந்து விடக்­கூ­டாது என்­ப­தற்­காக பெற்ற மகள் என்றும் பாராமல் எனது காத­ல­ருடன் சேர்ந்து காஜலை பிளேடால் கழுத்தை அறுத்துக் கொன்றேன் என்று அவர் தெரிவித்துள்ளார். இதையடுத்து, பொலிஸார் முன்னிதேவி மற்றும் அவரது காதலரை கைது செய்து விசாரணை நடத்தி வருகின்றனர்.