தவறவிடாதீர்கள்..!உடனே பதிவு செய்யுங்கள்

மன்னார் பிர­தேச பெண் சட்­டத்­த­ரணி ஒரு­வரை பய­மு­றுத்­தி­ய­துடன் பாலியல் சம்­பந்­த­மாக அச்­சு­றுத்­திய மூன்று சந்­தே­க­ந­பர்கள் கடும் நிபந்­த­னை­க­ளுடன் பிணையில் விடு­விக்­கப்­பட்­டுள்­ளனர்.

மன்னார் பகு­தியைச் சேர்ந்த பெண் சட்­டத்­த­ரணி ஒரு­வரை அச்­சு­றுத்தி பாலியல் சம்­பந்­த­மாக அச்­சத்­துக்கு உள்­ளாகும் வகையில் வார்த்­தை­களை வெளி­யிட்­டது தொடர்­பாக மூன்று சந்­தே­க­ந­பர்­க­ளுக்கு எதி­ராக பொலிஸில்   முறைப்பாடு செய்­யப்­பட்­டதைத் தொடர்ந்து சந்­தே­க­ந­பர்கள் மூவ­ரையும் பொலிஸார் கைது­செய்து நீதி­மன்றில் ஆஜர்­ப­டுத்­தப்­பட்ட நிலையில் இவர்கள் மூவரும் கடந்த திங்­கட்­கி­ழமை வரை விளக்­க­ம­றி­யலில் வைக்­கப்­பட்­டி­ருந்­த னர்.

கடந்த 2015 ஆம் ஆண்டு டிசம்பர் மாதம் மன்னார் பொலி­ஸா­ரிடம் முறை­ப்பாடு செய்­யப்­பட்­டி­ருந்த  இவ் வழக்கு தொடர்­பாக 18.01.2016 ஆம் ஆண்டு சந்­தே­க­ந­பர்கள் மூவ­ருக்கு எதி­ராக நீதி­மன்றில் பொலிஸார் குற்­றப்­பத்­தி­ரத்தை தாக்கல் செய்­தி­ருந்­தனர்.

அதா­வது பெண் சட்­டத்­த­ரணி ஒரு­வரை பய­மு­றுத்­தி­ய­தா­கவும் அத்­துடன் பாலியல் சம்­பந்­த­மான  அச்­சு­றுத்­தலை வழங்­கி­ய­தா­க­வுமே இச் சந்­தே­க­ந­பர்­க­ளுக்கு எதி­ராக பொலிஸார் குற்­றப்­பத்­தி­ரத்தை மன்றில் முன்­வைத்­துள்­ளனர்.

இது தொடர்­பான வழக்கு விசா­ரணை 18.01.2016 ஆம் திகதி இடம்­பெற்­ற­போது சந்­தே­க­ந­பர்கள் சார்­பாக ஆஜ­ரான சட்­டத்­த­ரணி அம்­ம­னுவில் சந்­தே­க­ந­பர்­க­ளுக்கு பிணை வழங்­கும்­படி நீதி­ப­தி­யிடம் கோரிக்­கையை முன்­வைத்­தி­ருந்தார்.

 இந்த நிலையில் இவ் வழக்கு கடந்த முதலாம் திகதி திங்­கட்­கி­ழமை மீண்டும் மன்னார் நீதி­பதி ஆசீர்­வாதம் கிறே­சியன் அலெக்ஸ்­ராஜா முன்­னி­லையில் விசா­ர­ணைக்கு எடுக்­கப்­பட்­டி­ருந்­த­போது ஏற்­க­னவே முன்­வைக்­கப்­பட்ட பிணை முன்­வைப்பை நீதி­பதி ஏற்­றுக்­கொண்டு நீதி­மன்றம் கடு­மை­யான நிபந்­த­னை­க­ளுடன் பிணை வழங்­கி­யது.

அதா­வது மூன்று சந்­தேகநபர்­களும் தலா 25000 ரூபா ரொக்கப் பிணை­யிலும் அத்­துடன் ஒவ்­வொரு சந்­தேக நபர்­களும் இரு பிணை­யா­ளி­களை முன்­வைக்க வேண்டும் என்றும் சந்­தே­க­ந­பர்கள் முறைப்­பாட்­டா­ள­ரையோ அல்­லது சாட்­சி­யா­ளர்­க­ளையோ தொந்­த­ரவு செய்­யவோ அல்­லது பய­மு­றுத்­தவோ கூடாது எனவும் அத்­துடன் கட­வுச்­சீட்டு இருந்தால் அவை­களை மன்றில் சமர்­ப்பிக்க வேண்டும் என்றும் இவர்கள் நாட்­டை­விட்டு வெளி­யேறக் கூடாது என்­ப­தற்­காக குடி­வ­ரவு குடி­ய­கல்வு திணைக்­க­ளத்­துக்கு அறி­விக்­கப்­பட வேண்டும் எனவும் ஒவ்வொரு ஞாயிற்றுக்கிழமையும் பொலிஸ் நிலையத்துக்குச் சென்று சந்தேகநபர்கள் மூவரும் கையொப்பம் இடவேண்டும் எனவும் நீதிபதி உத்தரவு பிறப்பித்து இவ் மூவரையும் பிணையில் செல்ல அனுமதியளித்து எதிர்வரும் 16.05.2016 ஆம் திகதிக்கு வழக்கு விசாரணையை ஒத்திவைத் தார்.