ஜனாதிபதி மைத்திரிபால சிறிசேனவுக்கு அபகீர்த்தி ஏற்படுத்தும் வகையில் சமூக வலைத்தளங்களில் வீடியோவை பதிவு செய்த இருவர் தொடர்பில் குற்றப் புலனாய்வுப் பிரிவினர் விசாரணைகள் ஆரம்பித்துள்ளனர்.

ஜனாதிபதி செயலகத்தினால் மேற்கொள்ளப்பட்ட முறைப்பாடுகளுக்கு அமையவே இந்த நடவடிக்கைகள் மேற்கொள்ளப்பட்டுள்ளன.

பொதுபல சேனா அமைப்பின் பொதுச் செயலாளர் கலகொட அத்த ஞானசார தேரரை கைதுசெய்து விளக்கமறியலில் வைத்தமை தொடர்பில், நபரொருவரால் வீடியோ ஒன்று அண்மையில் சமூக வலைத்தளத்தில் பதிவேற்றப்பட்டது.

இதைபோன்று , இவ்வாறானதொரு வீடியோவை பெண்ணொருவரும் இணையத்தில் பதிவு செய்திருந்தார். 

இந்நிலையிலேயே இவர்களுக்கு எதிராக சட்ட நடவடிக்கைகள் மேற்கொள்ளப்படவுள்ளதாக, குற்றப் புலனாய்வுப் பிரிவினர் தெரிவித்துள்ளனர்.