தவறவிடாதீர்கள்..!உடனே பதிவு செய்யுங்கள்

மட்டக்களப்பு போதனா வைத்தியசாலையில் தாதியர் சேவைகள் தடையின்றி நடைபெற்றுக்கொண்டிருக்கும் வேளையில் மருந்தாளர்கள் பணிப் பகிஷ்கரிப்பில் ஈடுபட்டுள்ளதன் காரணமாக நோயாளர்கள் பெரும் சிரமத்தை எதிர்நோக்கியுள்ளதாக எமது செய்தியாளர் தெரிவித்தார்.

அரச தாதியர்கள் மற்றும் அரச மருந்தாளர்கள் இன்று புதன்கிழமை காலை முதல் நாடெங்கிலும் உள்ள வைத்தியசாலைகளில் பணிப்பகிஷ்கரிப்பினை மேற்கொண்வருகின்றனர்.

இதன்காரணமாக மட்டக்களப்பு போதனா வைத்தியசாலைக்கு மிக நீண்ட தூரங்களில் இருந்துவந்த மக்கள் பெரும் அசௌகரியங்களை எதிர்கொண்டதாக தெரிவித்தனர்.

முன்னறிவித்தல்கள் எதுவுமின்றி இவ்வாறு மேற்கொள்ளப்படும் போராட்டங்களினால் ஏழை மக்களே அதிகளவில் பாதிக்கப்படுவதனை போராட்டக்காரர்கள் உணர்ந்துகொள்ளவேண்டும் எனவும் மக்கள் தெரிவிக்கின்றனர்.

எனினும் இன்றைய தினம் மட்டக்களப்பு போதனா வைத்தியசாலைக்கு நோயாளர்களின் வருகை குறைவான நிலையிலேயே இருந்தமையும் குறிப்பிடத்தக்கது.