தவறவிடாதீர்கள்..!உடனே பதிவு செய்யுங்கள்

முல்லைத்தீவு - பரந்தன் A34 பிரதான வீதியில் அமைந்துள்ள வட்டுவாகல் பாலத்தில் இன்று (15) மதியம் ஏற்பட்ட வெடிப்பு காரணமாக கனரக வாகனப் போக்குவரத்து தடைப்பட்டுள்ளது. நடைபயணிகளும் அவதானமாகச் செல்லாதவிடத்து கடும் காயங்களுக்குள்ளாகக் கூடிய சூழல் உருவாகியுள்ளது.

நீண்டகாலமாக சேதமடைந்திருந்த இப்பாலம் ஒருவழிப் பாதையாகவே பயன்படுத்தப்பட்டு வந்தது.

இந்த நிலையில் இன்று திடீரென பாலத்தின் நடுப்பகுதியில் வெடிப்பு ஒன்று ஏற்பட்டது. இதையடுத்து, கனரக வாகனங்கள் எவையும் பயணிக்க முடியாத நிலை ஏற்பட்டுள்ளது.

இதனால் முல்லைதீவிலிருந்து செல்லும் பேருந்துகளும் ஆபத்தான நிலையில் பயணம் மேற்கொள்ள வேண்டிய சூழல் உருவாகியுள்ளது.

இப்பாலம் முல்லைத்தீவுக்கு மிக முக்கியமான போக்குவரத்து மார்க்கத்தில் அமைந்துள்ளது. இறுதி யுத்தத்தின்போது பாரிய சேதங்களையும் இது சந்தித்திருந்தது.

பாலத்தை புதிதாக அமைத்துத் தருமாறு பல தடவைகள் மக்களால் கோரிக்கை விடுக்கப்பட்டபோதும் அதற்கு எந்தவிதமான பயனும் இதுவரை கிட்டவில்லை.