தான் 16 வயது சிறுமியாக இருந்த போது அமெரிக்க முன்னாள் ஜனாதிபதி ஜோர்ஜ் எச். டபிள்யூ. புஷ் தனது பிருஷ்ட பாகத்தை தவறான முறையில் பற்றிப் பிடித்ததாக பெண்ணொருவர் குற்றஞ்சாட்டியுள்ளார்.
2003ஆம் ஆண்டில் புகைப்படமொன்றுக்காக தனது தாயார் சகிதம் ஜோர்ஜ் எச்.டபிள்யூ. புஷ்ஷின் அருகில் நின்றபோது அவர் இவ்வாறு பாலியல் ரீதியான தவறான நடவடிக்கையில் ஈடுபட்டதாக ரொஸில்ன் கொரிகான் என்ற மேற்படி பெண் தெரிவித்தார்.
கடந்த சில வார காலப் பகுதியில் ஜோர்ஜ் எச்.டபிள்யூ. புஷ்ஷிற்கு எதிராக இத்தகைய பாலியல் குற்றச்சாட்டை முன்வைத்த ஆறாவது பெண்ணாக ரொஸில்ன் உள்ளார்.
அமெரிக்க டெக்ஸாஸ் மாநிலத்திலுள்ள சி.ஐ.ஏ. அலுவலகத்தில் ஜோர்ஜ் டபிள்யூ புஷ்ஷை சந்தித்த போதே இந்தச் சம்பவம் இடம்பெற்றுள்ளது.
ரொஸில்னின் தந்தை அந்த அலுவலகத்திலேயே பணியாற்றி வந்துள்ளார்.
ஜோர்ஜ் எச்.டபிள்யூ.புஷ் ஷின் நடவடிக்கை தன்னை மிகவும் அதிர்ச்சியில் ஆழ்த்தியதாக தெரிவித்த ரொஸில்னின், சிறுமியாக இருந்த தான் அவரது நடவடிக்கையால் குழப்பமடைந்ததாக கூறினார்.
மேற்படி சம்பவம் இடம்பெற்ற போது ஜோர்ஜ் எச். டபிள்யூ. புஷ்ஷின் வயது 79 ஆகும். அந்தப் புகைப்படமெடுக்கப்பட்டபோது தனது இடுப் பைப் பிடித்திருந்த ஜோர்ஜ் எச். டபிள்யூ. புஷ் சட்டென எதிர்பாராத தருணத்தில் தனது பிருஷ்டப் பகுதிக்கு கரத்தை நகர்த்தி அத்துமீறலான நடவடிக்கையில் ஈடுபட்டதாக அவர் கூறினார்.
கடந்த ஒக்டோபர் மாதத்தில் ஜோர்ஜ் எச்.டபிள்யூ.புஷ் புகைப்படமெடுக்கையில் தம்மிடம் அத்துமீறலான நடவடிக்கையில் ஈடுபட்டதாக பல பெண்கள் குற்றச்சாட்டை முன்வைத்திருந்தமை குறிப்பிடத்தக்கது.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM