தவறவிடாதீர்கள்..!உடனே பதிவு செய்யுங்கள்

எதிர்வரும் 2018ஆம் ஆண்­டுக்­கான வரவு–செலவுத் திட்டம் எங்­க­ளுக்கு எதி­ராக குரல் கொடுக்கும் எதி­ர­ணியின் வாயை அடைக்கும் என தேசிய சக­வாழ்வு கலந்­து­ரை­யாடல் மற்றும் அரச கரும மொழிகள் அமைச்சர் மனோ கணேசன் தெரி­வித்தார்.

ரம்­பொட  ஸ்ரீ கல்கி மாணவர் சேவா அமைப்பு ஒழுங்கு செய்­தி­ருந்த இவ்­வ­ருடம் தரம் ஐந்து புலமைப்பரிசில் பரீட்­சையில் சித்­தி­பெற்ற மாண­வர்களை கௌர­விக்கும் நிகழ்வு ரம்­பொட தொண்­டமான் கலா­சார மண்­ட­பத்தில் நேற்று  தேசிய சக­வாழ்வு கலந்­து­ரை­யாடல் மற்றும் அரச கரும மொழிகள் அமைச்சர் மனோ கணேசன் தலை­மையில் நடை­பெற்­றது.

இந்­நி­கழ்வில் கொத்­மலை மற்றும் உட­ப­லாத்த பிர­தே­சங்­களில் சித்தி பெற்ற மாணவ, மாண­வி­க­ள் பதக்­கங்கள், சான்­றி­தழ்கள், பரி­சில்கள் வழங்கி கௌர­விக்­கப்­பட்­டனர். இதன்போது மாண­வர்­களின் கலை கலா­சார நிகழ்­வு­களும் இடம்­பெற்­றன. இந்­நி­கழ்­வில் பார­ாளு­மன்ற உறுப்­பினர் தில­கராஜ், கல்­வித்­து­றையை சேர்ந்­த­வர்கள், கட்சி உறுப்­பி­னர்கள் என பலரும் கலந்து கொண்­டனர். இந்­நி­கழ்வின் பின் ஊட­க­வி­ய­லா­ளர்கள் எழுப்­பிய கேள்­வி­க­ளுக்கு பதி­ல­ளிக்­கை­யி­லேயே அவர் இவ்­வாறு தெரி­வித்தார். அவர் மேலும் தெரி­விக்கையில், எதிர்வரும் 2018ஆம் ஆண்­டுக்­கு­ரிய வரவு–செலவு திட்­ட­மா­னது இந்த நாட்டில் அனைத்து மக்களும் ஏற்­றுக்­கொள்ளக்கூடிய ஒன்­றாக அமையும். இந்த வரவு–செலவு திட்­டமானது மலை­யகம், வடக்கு, கிழக்கு மற்றும் கொழும்பு வாழ் மக்கள் தனித்து சொந்த வீடு­களில் வாழும் வாய்ப்பை பெற்­றுக்­கொ­டுத்­துள்­ளது.

சூழ­லுக்கு ஏற்ப தனி­வீ­டுகள் அமைக்­கப்­பட்டு சுதந்­தி­ர­மாக வாழக்­கூ­டிய வசதி இந்த வரவு–செலவு திட்­டத்­தின் ஊடாக ஏற்­ப­ட­வுள்­ளது. வரவு–செலவு திட்­டத்தின் வாதப் பிர­தி­வா­தங்கள் பாரா­ளு­மன்­றத்தில் ஒரு மாத காலத்­திற்கு இடம்­பெறும். இதன்பின் மக்கள் அனை­வரும் ஏற்­றுக்­கொள்ளக்கூடிய அபி­வி­ருத்தி திட்­ட­ங்கள் இவர்­க­ளுக்கு கிட்டும். அந்த நிலையில் எங்­களை எதிர்த்து பிரசாரம் செய்யும் எதி­ர­ணியின் வாய் அடைக்­கப்­படும் என்­பதில் ஐயமில்லை.

சமீ­பத்தில் பாரா­ளு­மன்­றத்­திற்கு நடி­கர்கள் வருகை தந்­தார்கள். அதை மக்கள் கண்­­டி­ருப்­பீர்கள். இந்த நடி­கர்கள் தான் இந்த நாட்டின் வளர்ச்­சிக்கு பாத­க­மாக செயற்­ப­டு­ப­வர்கள். அர­சியல் யாப்பு வரக்­கூ­டாது என்­பதை தெரி­வித்­த­வர்கள் யார்?

இவர்கள் இந்த நாட்டில் பௌத்த மக்­க­ளுக்கு தனி ஒரு இடம் இல்­லாமல் போய்­விடும் என்று கூறிக்­கொண்டே இந்த அர­சியல் யாப்பை எதிர்த்து நின்­றார்கள். வானத்தில் இருந்து குதித்­த­வர்கள் அல்ல இவர்கள்.

நாங்கள் எடுப்பார் கைப்­பிள்ளை போல் இருக்க மாட்டோம். முன்னாள்  ஜனா­தி­பதி ஜய­வர்­தன காலத்தில் இருந்து நிலை­யான அர­சியல் யாப்பு அனைத்து மக்­க­ளையும் காப்­பாற்ற கூடிய வகையில் அமைந்திராத சூழ்நிலையில் இந்த புதிய அரசியல் யாப்பு அனைத்து மக்களையும் காக்கக்கூடிய வகையில் அமைந்திருப்பது அனைத்து மக்களாலும் வரவேற்கத்தக்க கூடியதாக இருக்கும் என்றார்.