தவறவிடாதீர்கள்..!உடனே பதிவு செய்யுங்கள்

பல கோரிக்கைகளை முன்வைத்து நாளை நள்ளிரவு முதல் 48 மணி நேரம் வேலைநிறுத்தப் போராட்டத்தினை முன்னெடுக்கவுள்ளதாக, ரயில்வே சாரதிகள் சங்கம் அறிவித்துள்ளது.

பணிக்கு இணைத்தல், சம்பளம் கொடுப்பனவு மற்றும் பதவி உயர்வு உள்ளிட்ட பிரச்சினைகளுக்கு இதுவரை தீர்வு பெற்றுக்கொடுக்கவில்லை எனவும், புதிய பயிலுனர் சாரதிகளை சேவையில் இணைத்ததில் விதிமுறைகள் மீறப்பட்டுள்ளதாகக் தெரிவித்தே குறித்த தொழிற்சங்க நடவடிக்கையில் ஈடுபடவுள்ளதாக ரயில்வே சாரதிகள் சங்கம் தெரிவித்துள்ளனர்.

இதேவேளை, இதற்கு முன்னர் தமது கோரிக்கை தொடர்பில் அதிகாரிகளுக்கு அறிவிக்கப்பட்ட போதும் இதுவரை தமக்கு தீர்வு பெற்றுக் கொடுக்கப்படவில்லை என இலங்கை ரயில்வே கட்டுப்பாளர்கள் சங்கத்தின் பிரதான செயலாளர் பீரிஸ் தெரிவித்துள்ளார்.

இந்நிலையிலேயே,  இவர்கள் மீண்டும் இந்த தீர்மானத்தை மேற்கொண்டுள்ளதாக அவர் மேலும் குறிப்பிட்டுள்ளார்.

அண்மையில் பணிப்புறக்கணிப்பில் ஈடுபடவிருந்த நிலையில், போக்குவரத்து பிரதியமைச்சர் அசோக அபேசிங்கவுடன் இடம்பெற்ற கலந்துரையாடலுக்கு பின்னர் பணிப்புறக்கணிப்பு கைவிடப்பட்டிருந்தமையும் குறிப்பிடத்தக்கது.