சிம்­பாப்வே ஜனா­தி­பதி ரொபேர்ட் முகா­பேயை  தன்னை அடை­யாளம் காட்டிக் கொள்­ளாது   டுவிட்டர் இணை­யத்­த­ளத்தில் நையாண்டி செய்த  அமெ­ரிக்கப் பெண் ஊட­க­வி­யலாளர் ஒருவர் நேற்று முன்­தினம் கைது­செய்­யப்­பட்டு  சிறை­யி­ல­டைக்­கப்­பட்­டுள்ளார்.

மேற்­படி அநா­ம­தேய  டுவிட்டர் செய்­தியின் பின்­ன­ணியில் குறிப்­பிட்ட ஊட­க­வி­ய­லா­ள­ரான மார்தா ஓ டொனோவன் (25  வயது)   உள்­ள­தாகக் குற்­றஞ்­சாட்­டியே அவரை பொலிஸார் கைது­செய்­துள்­ளனர்.

மார்தா தனது டுவிட்டர் செய்­தியில் ரொபேர்ட் முகா­பேயை (93 வயது) சுய­ந­லமும்  நோயால் பீடிக்­கப்­பட்டு சிறு­நீரை அகற்றும் குழாயில் தங்­கி­யுள்ள ஒருவர்  எனவும்  குறிப்­பிட்­டுள்­ளார்.

இந்­நி­லையில் அந்த செய்தி வெளி­யி­டப்­பட்­டுள்ள இணை­யத்­தள முக­வ­ரியை  புல­னாய்வு செய்து அத­னூ­டாக  அவ­ரையும் அவ­ரது  வீட்­டையும்  பொலிஸார் கண்­டு­பி­டித்­த­தாக பொலிஸ் தரப்பு வட்­டா­ரங்கள் கூறுகின்றன.

அவர் மீதான குற்றச்செயல் நிரூபிக்கப்படும் பட்சத்தில் அவர் 20  வருட சிறைத் தண்டனையை எதிர்கொள்ள நேரிடும் எனத் தெரிவிக்கப்படுகிறது.

மகம்பா தொலைக்காட்சி வலைப்பின்னலில் பணியாற்றும் மார்தா,  கடந்த பல வருடங்களாக ஆபிரிக்காவெங்கும் மனித உரிமைகள் தொடர்பான ஆய்வை மேற்கொண்டு வருகிறார். அவர் அந்நாட்டிலுள்ள சர்ச்சைக்குரிய சிக்குருபி அல்லது ஹரரே மத்திய சிறைச்சாலையில் தடுத்துவைக்கப்பட்டுள்ளதாக நம்பப்படுகிறது. இந்நிலையில் இன்று திங்கட்கிழமை அவர்தொடர்பான மேன்முறை யீடொன்று நீதிமன்றத்தில் தாக்கல் செய்யப்படவுள்ளதாக தெரிவிக்கப்படுகிறது.