நியூயோர்க் நகரில் உள்ள சிட்டி வங்­கியின் தலை­மை­யக கணினி கட்­ட­மைப்­புக்குள் ஊடு­ருவி, தாய்­வானின் ஈஸ்டன் இன்­டர்­நெஷனல் வங்­கியின் பணத்தை கொள்­ளை­யிட்­டமை தொடர்பில் கைது செய்­யப்­பட்டு விளக்­க­ம­றி­யலில் உள்ள லிட்ரோ கேஸ் நிறு­வ­னத்தின் முன் னாள் தலைவர் சலில முன­சிங்க, முன்னாள் இரா­ணுவ அதி­கா­ரியின் மகன் சமிந்த நம்­முனி மற்றும் அவ்­வி­ரு­வரின் உற­வுக்­கா­ரர்கள் இருவர் ஆகி­யோரின் விளக்­க­ம­றியல் கால­மா­னது எதிர்­வரும் நவம்பர் 6 ஆம் திகதி வரை நீடிக்­கப்­பட்­டுள்­ளது.

இது தொடர்­பி­லான வழக்கு நேற்று கோட்டை நீதிவான் லங்கா  ஜய­ரத்ன முன்­னி­லையில் விசா­ர­ணைக்கு வந்த போதே நீதிவான் இவ்­வாறு விளக்­க­ம­றி­யலை நீடித்து உத்­த­ர­விட்டார்.

இந்த வழக்­கா­னது விசா­ர­ணைக்கு வந்த போது மன்றில் ஆஜ­ரான குற்றப் புல­னாய்வுப் பிரிவின் விசா­ரணை அதி­கா­ரிகள், சந்­தேக நபர்­களின் வங்­கிக்­க­ணக்­குகள் தொடர்ந்தும் பரி­சீ­லிக்­கப்­பட்டு வரு­வ­தா­கவும், இத­னுடன் தொடர்­பு­டைய ஏனை­யோரை அடை­யாளம் காண கணினி சான்­று­களை ஆய்வு செய்­து­வ­ரு­வ­தா­கவும் குறிப்­பிட்­டனர். இத­னை­ய­டுத்தே அவர்­களின் விளக்­க­ம­றியல் காலத்தை நீடிக்க நீதிவான் உத்­த­ர­விட்டார்.

இது­வரை குற்றப் புல­னாய்வுப் பிரிவு முன்­னெ­டுத்­துள்ள விசா­ர­ணை­களில், நியுயோர்க் நகரில் உள்ள சிட்டி வங்­கியின் தலை­மை­யக கணினி கட்­ட­மைப்­புக்குள் சட்­ட­வி­ரோ­த­மாக ஊடு­ருவி, தாய்­வானின் ஈஷ்டன் இன்­டர்­னெ­ஷனல் வங்­கியின் கணக்கில் இருந்து மோச­டி­ஒ­யான முறையில் கொள்­ளை­யி­டப்­பட்ட மொத்த பணப் பெறு­மதி 69.5 மில்­லியன் அமெ­ரிக்க டொலர்கள் என கண்­ட­றி­யப்­பட்­டுள்­ள­தாக  விசா­ர­ணை­யா­ளர்கள் நீதி­மன்­றுக்கு தெரி­யப்­ப­டுத்­தினர். 

எனினும்  அதில் ஒரு சிரு பகு­தியே இலங்கை வங்­கியின் நியுயோர்க் கிளை ஊடாக இலங்­கைக்கு பறி­மாற்­றப்­பட்­டுள்­ள­தா­கவும், மற்­றைய பணத் தொகை எந்த நாட்­டுக்கு எவ்­வாறு கடத்தப்பட்டது என்பது குறித்து துல்லியமாக அறிய கணினி ஆதாரங்களை மையப்படுத்தி விசாரித்து வருவதாகவும் குற்றப் புலனாய்வுப் பிரிவின் விசாரணை அதிகாரிகள் கோட்டை நீதிவானுக்கு  அறிவித்தனர்.