தவறவிடாதீர்கள்..!உடனே பதிவு செய்யுங்கள்

தீவிரவாதிகளின் இருப்பிடங்களாகக் கருதப்பட்ட சில இடங்களில் தேடுதல் வேட்டை நடத்தியபோது, தீவிரவாதிகள் நடத்திய கடும் தாக்குதலில் பொலிஸ் உட்பட 52 எகிப்திய பாதுகாப்பு அதிகாரிகள் கொல்லப்பட்டனர்.

எகிப்திய நீதிபதிகள் மற்றும் பொலிஸ் உயரதிகாரிகள் மீது தாக்குதல் நடத்திவரும் ‘ஹாம்’ தீவிரவாதிகள் எட்டுப் பேர், எகிப்தின் மேற்குப் பகுதியில் உள்ள பாலைவனத்தில் முகாமிட்டுத் தங்கியிருப்பதாக பொலிஸாருக்குத் தகவல் கிடைத்தது.

இதையடுத்து, குறித்த பகுதியில் தேடுதல் வேட்டை நடத்துவதற்காக சில வாகனங்களில் பொலிஸ் மற்றும் இராணுவத்தினர் சென்றிருந்தனர்.

அப்போது, மறைந்திருந்த தீவிரவாதிகள் திடீரென பாதுகாப்புப் படையினர் மீது ரொக்கெட், கைக்குண்டு மற்றும் துப்பாக்கித் தாக்குதல்களை நடத்தத் தொடங்கினர்.

எதிர்பாராத இத்தாக்குதலால் பாதுகாப்புப் படையினர் நிலைகுலைந்தனர். சுதாகரித்துக்கொள்ள வாய்ப்பு எதையும் தராத தீவிரவாதிகளின் தாக்குதலில் 52 பேர் கொல்லப்பட்டனர்.