கொழும்பு - அட்டன் பிரதான வீதியின் கினிகத்தேன பகுதியில் ஏற்பட்ட மண்சரிவினால் 5 மணித்தியாலங்கள் போக்குவத்து தடைப்பட்டதாக கினிகத்தேனை பொலிஸார் தெரிவித்தனர்.

கினிகத்தேன பொலிஸ் பிரிவிற்குட்பட்ட மில்லகாமுல்ல பகுதியிலே இன்று அதிகாலை 1.30 மணியளவில் மண்சரிவு ஏற்பட்டுள்ளது.

மண்சரிவினால்  கொழும்பு - அட்டன் பிரதான வீதியின் போக்குவரத்து தடைப்பட்டநிலையில், நோட்டன் பிரிட்ஜ் கலுகல லக்ஷபான வழியாகபோக்கு வரத்து இடம்பெற்றது.

பின்னர் கினிகத்தேனை பொலிஸாரும்  வீதி அபிவிருத்தி அதிகாரசபையினரும் இணைந்து மண்சரிவை அகற்றியபின் காலை 6.30  மணியளவில் போக்குவரத்து வழமைக்கு திரும்பியது.

மேலும் குறித்த வீதியால் ஒருவழிப்போக்குவரத்து மாத்திரமே தற்போது இடம்பெற்று வருவதாகவும் வாகனசாரதிகள் அவதானத்துடன் வாகனத்தை செலுத்துமாறும் கினிகத்தேன பொலிஸார் தெரிவித்தனர்.