வடக்கில் அன்று புலி­க­ளுக்கு ஊதுகு­ழ­லாக செயற்­பட்டு தனித் தமி­ழீ­ழத்தை உரு­வாக்க கனவு கண்ட தமிழ்த் தேசியக் ­கூட்­ட­மைப்பு மீண்டும் தனி­ இராஜ்­யத்தை நிலை­நாட்ட முயற்­சித்து வரு­கி­றது. ஜனா­தி­பதி மைத்­தி­ரி­பால சிறி­சேன தலை­மை­யி­லான அர­சாங்­கமும் தமிழ் தேசிய கூட்­ட­மைப்பின் தமி­ழீழ உரு­வாக்­கத்­திற்கு துணை­போ­கின்­றது என கூட்டு எதிர்க்கட்­சியின் பாரா­ளு­மன்ற உறுப்­பி­னர் பேரா­சி­ரியர் ஜீ.எல்.பீரிஸ் தெரி­வித்தார். 

பொர­ளையில் அமைந்­துள்ள கலா­நிதி என்.எம். பெரேரா நிலை­யத்தில் நேற்று வியா­ழக்­கி­ழமை இடம்­பெற்ற செய்­தி­யாளர் சந்­திப்பின் போதே அவர் மேற்­கண்­ட­வாறு குறிப்­பிட்டார். அவர் தொடர்ந்தும் உரை நிகழ்த்­து­கையில், நாட்டில் இடம்­பெறும் சம­கால நில­வ­ரங்­களை பார்க்கும் போது தனி­ம­னித சுதந்­திரம், தனி­ம­னித உரிமை உண்­மையில் இங்கு உள்­ளதா? என்ற கேள்வி எழும்­பு­கின்­றது. ரவி கரு­ணா­நா­யக்­கவின் நிதி க்கொள்ளை விவ­காரம் தொடர்பில் உண்­மையை அம்­ப­லப்­ப­டுத்­திய அனிகா விஜய சூரிய மற்றும் அவ­ரது குடும்­பத்­தி­ன­ருக்கு அச்­சு­றுத்தல் விடுக்­கப்­பட்­டுள்­ள­மை­யா­னது உண்­மையை, சத்­தி­யத்தை கூற விளை­வோ­ருக்கு ஏற்­படும் கதியை சற்று சிந்­தித்து பார்க்க வேண்டும். அதுதான் இந்த நல்­லாட்­சியின் ஜன­நா­ய­கமா? ஜன­நா­ய­கத்தை குழி­தோன்றி புதைக்கும் செயற்­பா­டு­க­ளி­லேயே தொடர்ந்தும் இந்த அரசு செயற்­பட்டு வரு­கின்­றது.   மத்­திய வங்கி விவ­காரம் உள்­ளிட்ட அர்­ஜுன மகேந்­திரன் விடயம் தொடர்பில் ஆணைக்­குழு முன்­பாக ஆஜ­ராகி உண்மை நிலையை வெளிப்­ப­டுத்­த­வுள்­ள­தாக ரணில் விக்­ர­ம­சிங்க குறிப்­பிட்­டுள்ளார். இதி­லி­ருந்து புல­னா­வது யாதெனில் அர்ஜுன மகேந்­தி­ரனை பாது­காக்­கவே பிர­தமர் முயற்­சிக்­கின்றார்.

அண்­மைக்­கா­ல­மாக அமைச்சர் அம­ர­வீர ஊட­கங்கள் மூல­மாக பல­வி­த­மான கருத்­துக்­களை கூறி வரு­கின்றார். எம்­மையும் வசை­பாடி வரு­கின்றார். மஹிந்த அம­ர­வீர என்­பவர் ஐக்­கிய தேசிய கட்­சியில் ஊறிப்­போன ஓர் உறுப்­பினர். சிறி லங்கா சுதந்­தி­ரக்­கட்­சியின் தேசியம், அதன் மகத்­துவம், அதன் கொள்­கைகள் என்­பன இன்று சிறி லங்கா சுதந்­திரக் கட்­சியில் அங்கம் வகிக்கும் மஹிந்த அம­ர­வீ­ர ­போன்­றோ­ருக்கு எங்கே புரி­யப்­போ­கின்­றது? இவ­ரைப்­போன்ற பதவி மோகம் பிடித்­த­வர்கள் இந்நல்­லாட்சி அர­சாங்­கத்தில் இருப்­ப­த­னா­லேயே நாம் அர­சோடு இணை­யாமல் கூட்டு எதிர்க்கட்­சியில் அங்கம் வகிக்­கின்றோம். மஹிந்த அம­ர­வீர தேவை­யற்ற பரப்­பு­ரை­களை கூறி தன்னை ஒரு வீர­ராக காட்டி கொள்ள முனை­வது எமக்கு வேடிக்­கை­யாக தோன்­று­கின்­றது. வடக்கில் நிலவும் சம்­ப­வங்­களை பார்க்கும் போது அங்கு வேறொரு நாடு உரு­வா­கி­யுள்­ளதா? என்ற ஐயம் எமக்கு எழும்­பு­கின்­றது. அங்கு போராட்­டங்கள் நடத்த முடி­யாது என நீதி­மன்றம் ஆணைப்­பி­றப்­பித்­துள்ள போதிலும் கடந்த சில தினங்­க­ளுக்கு முன்னர் போராட்­டங்கள் இடம்­பெற்­றுள்­ளன. இதன் பின்­ன­ணியில் இருப்­பது தமிழ்த் தேசியக் கூட்­ட­மைப்பு ஆகும். நீதி­மன்­றமும் பொலிஸ் சேவையும் தமது பலத்தை வடக்கில் இழந்­து­விட்­டதா? என நாம் கேள்வி எழுப்­பு­கின்றோம்.

அன்று வடக்கில் புலிகளுக்கு ஊதுகுழலாக செயற்பட்டு தனி தமிழீழத்தை உருவாக்க கனவு கண்ட தமிழ்த் தேசியக் கூட்டமைப்பு மீண்டும் அங்கு தமிழ் இராஜ்ஜியத்தை நிலைநாட்ட முயற்சித்து வருகின்றது. மைத்திரிபால தலைமையிலான அரசாங்கமும் தமிழ்த் தேசியக் கூட்டமைப்பின் தமிழீழ உருவாக்கத்திற்கு துணைபோகின்றது  என்றார்.