லிட்ரோ கேஸ் லங்கா நிறுவனத்தின் புதிய தலைவராக ஜனாதிபதி சட்டத்தரணி நிஸங்க நாணயக்காரவை நியமித்துள்ளதாக அரச பொது நிறுவனங்கள் அமைச்சு அறிவித்துள்ளது.

இலங்கை காப்புறுதிக் கூட்டுத்தாபனத்தின் தலைவர் ஹேமக அமரசூரியவினால், நிஸங்க நாணயக்காரவிற்கான நியமனக் கடிதம் வழங்கப்பட்டுள்ளது. 

தாய்வான் வங்கி ஒன்றில் பலகோடி ரூபா பண மோசடியில் ஈடுபட்ட குற்றச்சாட்டில் சலீல முணசிங்க கைது செய்யப்பட்டு விளக்கமறியலில் வைக்கப்பட்டுள்ள நிலையில், அவர் லிட்ரோ கேஸ் லங்கா நிறுவனத்தின் தலைவர் பதவியிலிருந்து நீக்கப்பட்டுள்ளார்.

இந்நிலையிலேயே குறித்த நிறுவனத்தின் தலைவராக நிஸங்க நாணயக்கார நியமிக்கப்பட்டுள்ளமை குறிப்பிடத்தக்கது.