மிஸ்டர் பீனின் திருமண வாழ்க்கை முறிந்தது

மிஸ்டர் பீன் கதாபாத்திரம் மூலம் உலக புகழ் பெற்ற இங்கிலாந்தின் பிரபல ஹொலிவூட் நகைச்சுவை நடிகரான ரோவன் அட்கின்சன் (60வயது), தனது மனைவி சுனேத்ரா சாஸ்திரியை விவாகரத்து செய்துள்ளார். இதன் மூலம் இவர்களது 24 ஆண்டு திருமண வாழ்க்கை முறிந்துள்ளது.

Mr.Bean

"மிஸ்டர்.பீன்" கதா பாத்திரத்தின் மூலம் சிறியவர் முதல் பெரியவர் வரை அனைவர் மனதிலும் நீங்கா இடம் பிடித்தவர் ரோவன் அட்கின்சன். இவர், பி.பி.சி தொலைக்காட்சியில் ஒப்பனை கலைஞராக பணிபுரிந்து வந்த இந்திய வம்சாவளியைச் சேர்ந்த சுனேத்ரா சாஸ்திரி என்பவரை கடந்த 1990ஆம் ஆண்டு பெப்ரவரி மாதம் திருமணம் செய்து கொண்டார். இவர்களுக்கு லில்லி என்ற மகளும், பெஞ்சமின் என்று ஒரு மகனும் உள்ளனர்.

இந்நிலையில், கடந்த ஆண்டு (2014) பெப்ரவரி மாதம் விவாகரத்து கேட்டு இங்கிலாந்தின் சென்ட்ரலில் உள்ள குடும்பநல நீதிமன்றத்தில் மனுத் தாக்கல் செய்தார் ரோவன். ஒன்றரை ஆண்டுகளாக நடந்து வந்த இவ் வழக்கில் இருவருக்கும் நீதிமன்றம் விவாகரத்து வழங்கியுள்ளது .
இந்த தம்பதியினரின் விவாகரத்துக்கு 32 வயதுடைய லூயிஸ் ஃபோர்ட் என்ற இளம்பெண்ணுடன் ரோவனுக்கு ஏற்பட்டுள்ள காதலே காரணம் என்று கூறப்படுகிறது.