Image result for இந்திய மீனவர்கள்  கைது virakesari

இலங்கை கடற்பரப்பில் அத்துமீறி மீன்பிடியில் ஈடுபட்ட நான்கு இந்திய மீனவர்களை இலங்கை கடற்படையினர் நேற்றிரவு கைதுசெய்துள்ளனர்.

நெடுந்தீவு கடற்பரப்பில் குறித்த 4 இந்திய மீனவர்களும் கைதுசெய்யப்பட்டதாக கடற்படையினர் தெரிவித்தனர்.

இந்நிலையில், அவர்கள் மீன்பிடிக்காகப் பயன்படுத்திய படகொன்றும், கடற்றொழில் உபகரணங்களும் கடற்படையினரால் பறிமுதல் செய்யப்பட்டுள்ளது.

இவ்வாறு கடற்படையினரால் கைதுசெய்யப்பட்ட 4 இந்திய மீனவர்களையும் மேலதிக விசாரணைகளுக்காக யாழ். உதவி கடற்றொழில் பணிப்பாளரிடம் ஒப்படைக்கப்பட்டுள்ளனர்.

இதேவேளை, குறித்த நால்வரையும் ஊர்காவற்துரை நீதவான் முன்னிலையில் இன்று ஆஜர்படுத்துவதற்கு நடவடிக்கை எடுக்கப்பட்டுள்ளது.