தவறவிடாதீர்கள்..!உடனே பதிவு செய்யுங்கள்

ஏறக்குறைய இருபது வருடங்களுக்குப் பின் நடிகர் கமல்ஹாசன், இயக்குனர் ஷங்கர் ஆகியோர் இணையவுள்ளனர், இந்தியன் 2ம் பாகத்துக்காக!

கமல், ஷங்கர் இணைவில் 1996ஆம் ஆண்டு வெளியானது இந்தியன்! வழக்கம்போலவே பெருவெற்றி பெற்றது இந்தப் படம். அதன் பின் ஷங்கர் விக்ரம், ரஜினி என்று பிஸியாகிவிட்டார். கமலும் சொந்தமாகவே படங்கள் தயாரிக்கத் தொடங்கிவிட்டார்.

இந்நிலையில், மீண்டும் இவ்விரு ஜாம்பவான்களும் இணையவுள்ளனர். அதுவும், அவர்கள் இணைந்து பணியாற்றிய முதல் படத்தின் இரண்டாம் பாகத்துக்காக!

இந்தப் படத்தை தில் ராஜு தயாரிக்கிறார். தமிழ், தெலுங்கு மொழிகளில் படம் உருவாக இருக்கிறது. படப்பிடிப்புகள் அடுத்த வருடம் ஆரம்பமாகும் என்றும் தெரியவருகிறது.

இது குறித்த உத்தியோகபூர்வ தகவல்கள் வெகு விரைவில் வெளியாகும் எனத் தெரிவிக்கப்படுகிறது.