முன்னாள் ஜனா­தி­பதியின் செய­லாளர் லலித் வீர­துங்க மற்றும் தொலைத் தொடர்­புகள் ஒழுங்­கு­ப­டுத்தும் ஆணைக்­கு­ழுவின் முன்னாள் பணிப்­பாளர் அனுஷ பெல்­பிட்ட ஆகி­யோருக்கு நீதி­மன்­றினால் விதிக்­கப்­பட்­டுள்ள நஷ்­ட­ஈடு மற்றும் தண்­டப்­பணம் என்­ப­வற்றைச் செலுத்­து­வ­தற்­காக பெளத்த தேரர்கள் நேற்று கிரி­பத்­கொ­டையில் நிதி திரட்­டும்­போது அங்கு குழப்ப நிலை ஏற்­பட்­டது. 

“சில் துணி சிறைக் கைதி­களைப் பாது­காக்கும் நிதியம்” எனும் அமைப்பு லலித் வீர­துங்க மற்றும் அனுஷ பெல்­பிட்ட ஆகி­யோருக்கு நீதி­மன்­றினால் விதிக்­கப்­பட்­டுள்ள நஷ்­ட­ஈடு மற்றும் தண்­டப்­பணம் என்­ப­வற்றைச் செலுத்­து­வ­தற்­காக கடந்த வெள்­ளிக்­கி­ழமை முதல் நாடு தழு­விய ரீதியில் நிதி திரட்டும் பாத யாத்­தி­ரை­யினை பெளத்த தேரர்கள் முன்­னெ­டுத்­துள்­ளனர்.  

அப்­பாத யாத்­தி­ரையின் நேற்­றைய பயணம் கிரி­பத்­கொட, ஹுனுப்­பிட்­டி­ய­வி­லுள்ள புதிய வீதியில் ஆரம்­ப­மா­னது. அதன்­போது, கூட்டு எதிர்க்­கட்­சியில் அங்­கம்­வ­கிக்கும் பாரா­ளு­மன்ற உறுப்­பி­னர்­க­ளான சிசிர ஜய­கொடி மற்றும் பிரசன்ன ரண­வீர ஆகி­யோருக்கு மகர நீதி­மன்­றத்­தினால் பிறப்­பிக்­கப்­பட்­டுள்ள தடை­யுத்­த­ரவை கிரி­பத்­கொட பொலிஸார் கைய­ளித்­துள்­ளனர்.  

எனினும் தேரர்கள் தமது பாத யாத்­தி­ரையைத் தொடர்ந்­து­கொண்­டி­ருந்­த­போது அங்கு சிலர் தேரர்கள் ஏந்­திக்­கொண்டு சென்ற பாத்­தி­ரத்­திற்குள் உண­வுப்­பொ­ருட்­க­ளையும் இட்­டனர். அதனைத் தொடர்ந்து தேரர்­க­ளுக்கு ஒத்­து­ழைப்பு வழங்கும் வகையில் தேரர்­க­ளுடன் சென்ற தரப்­பி­ன­ருக்கும் பாத்­தி­ரத்­திற்குள் உணவுப் பண்­டங்­க­ளை­யிட்ட தரப்­பி­னர்­க­ளுக்­கு­மி­டையில் முறுகல் நிலை ஏற்­பட்டு கை கலப்பு வரை சென்­றது.

எனவே அப்பிரதேசத்தில் சற்று பதற்றம் நிலவியதோடு வாகன நெரிசலும் ஏற்பட்டது. எனினும் பொலிஸார் ஸ்தலத்திற்கு விரைந்து நிலைமையினை கட்டுப்பாட்டுக்குள் கொண்டுவந்தமை குறிப்பிடத்தக்கது.