தவறவிடாதீர்கள்..!உடனே பதிவு செய்யுங்கள்

தேசிய சுதந்திர முன்னணியின் பாராளுமன்ற உறுப்பினர் வீரகுமார திசாநாயக்கவுக்கு எதிராக பிறப்பிக்கப்பட்டிருந்த நீதிமன்ற பிடியாணை மீளப் பெறப்பட்டுள்ளது. 

தேசிய சுதந்திர முன்னணியின் தலைவர் விமல் வீரவன்ச உள்ளிட்ட 7 பேருக்கு எதிராக தாக்கல் செய்யப்பட்டுள்ள வழக்கில் இன்று வீரகுமார திசாநாயக்க முன்னிலையாகாத நிலையிலேயே அவருக்கு பிடியாணை உத்தரவு பிறப்பிக்கப்பட்டிருந்தது.

இதனையடுத்து, அவர் கொழும்பு முதன்மை நீதிமன்றில் முன்னிலையாகியுள்ளார்.

இந்நிலையில் அவருக்கு எதிராக பிறப்பிக்கப்பட்டிருந்த நீதிமன்ற பிடியாணை மீளப் பெறப்பட்டுள்ளது. 

ஐக்கிய நாடுகளின் மனிதவுரிமைகள் ஆணையாளரின் இலங்கை வருகைக்கு எதிராக பொதுமக்களுக்கு இடையூறு ஏற்படும் வகையில் போராட்டம் மேற்கொண்டமைக்கு எதிராகவே இந்த வழக்கு விசாரணை இடம்பெற்றது.