மன்னார் பொலிஸ் பிரிவுக்குற்பட்ட சிறு நீலாசேனை கிராமத்தில் உள்ள புனித யாகப்பர் ஆலயத்திற்குச் சொந்தமான புனித யாகப்பர் திருச் சொரூபம் நேற்று இரவு இனம் தெரியாதோரினால் உடைத்து சேதமாக்கப்பட்டுள்ளதாக புனித யாகப்பர் ஆலய நிர்வாக சபையினர் தெரிவிக்கின்றனர்.

மன்னார், மதவாச்சி பிரதான வீதி நொச்சிக்குளம் ரோமன் கத்தோலிக்க தமிழ் கலவன் பாடசாலைக்கு முன்பாக அமைக்கப்பட்டிருந்த புனித யாகப்பர் ஆலயத்திற்குச் சொந்தமான புனித யாகப்பர் திருச் சொரூபம்  இவ்வாறு உடைத்து தேசதப்படுத்தப்பட்டுள்ளது.

சுமார் ஒன்றரை அடி உயரம் கொண்ட புனித யாகப்பர் திருச் சொரூபம் கண்ணாடிப் பெட்டியில் வைக்கப்பட்டிருந்த நிலையில் நேற்று   இரவு அப்பகுதிக்கு வந்த இனம் தெரியாத நபர்கள் கண்ணாடிப்பெட்டியின் கண்ணாடிகளை உடைத்து உள்ளே இருந்த புனித யாகப்பர் திருச் சொரூபத்தை எடுத்து சேதப்படுத்தியுள்ளனர்.

குறித்த சம்பவம் தொடர்பாக புனித யாகப்பர் ஆலய நிர்வாக சபையினர் மன்னார் பொலிஸ் நிலையத்தில் முறைப்பாடு செய்துள்ளமை குறிப்பிடத்தக்கது.