எனது உத்தரவுக்கு அமைய செயற்பட்டதனாலேயே லலித்துக்கு இந்த நிலை.!

லலித் வீரதுங்கவுக்கு எதிராக வழங்கப்பட்ட தீர்ப்பானது அரசியல் பழிவாங்கலாகும். எனது உத்தரவுக்கு அமைய செயற்பட்டதனாலேயே இந்த நிலை ஏற்பட்டது என முன்னாள் ஜனாதிபதி மஹிந்த ராஜபக்ஷ தெரிவித்தார்.

Image result for மஹிந்த ராஜபக்ஷ virakesari

அத்துடன் அரசாங்கத்தில் இருக்கும் ஸ்ரீலங்கா சுதந்திர கட்சி உறுப்பினர்கள் சிலர் கூட்டு எதிர்க்கட்சியில் இணைந்துகொள்வதாக தெரிவித்துள்ளனர் எனவும் அவர் தெரிவித்தார். குருணாகலையில் நேற்று முன்தினம் மாலை இடம்பெற்ற நிகழ்வொன்றின் பின்னர் ஊடகங்களுக்கு கருத்து தெரிவிக்கையிலேயே இவ்வாறு தெரிவித்தார்.

அவர் அங்கு தொடர்ந்து கூறுகையில் அரச அதிகாரிகள் மிகவும் அவதானமாக நடந்துகொள்ள வேண்டும். அரச கொள்கையின் அடிப்படையிலேயே சில் துணி வழங்கப்பட்டது. மாறாக தேர்தல் பிரசாரத்துக்காக வழங்கப்படவில்லை. அத்துடன் நாட்டின் அரசியலமைப்பில் பெளத்த மதத்துக்கு முன்னுரிமை வழங்கப்படவேண்டும், அதனை பாதுகாக்கவேண்டும் என தெளிவாக தெரிவிக்கப்பட்டுள்ளது. அதன் பிரகாரமே விகாரைக்கு வருபவர்களுக்கு சில் ஆடை வழங்கி மதத்தை போஷிக்க எனது அரசாங்கம் நடவடிக்கை எடுத்தது. அதனைய தவறு என்று யாரும் கூறமாட்டார்கள்.

மேலும் அரசாங்கத்தின் கொள்கையை நிறைவேற்றுமாறு அதிகாரிக்கு தெரிவிப்பது எனது கடமை. அதனையே லலித் வீரதுங்கவிடம் நான் தெரிவித்தேன். என்னால் வழங்கப்பட்ட உத்தரவை செயற்படுத்தியதனாலேயே அவர் கைது செய்யப்பட்டு சிறையிலடைக்கப்பட்டுள்ளார். அதனால் அவரின் கைதானது அரசியல் பழிவாங்கும் நோக்கத்தில் மேற்கொள்ளப்பட்டதொன்றாகும்.

அத்துடன் அரசாங்கத்தின் நடவடிக்கைகளில் அரசாங்கத்தில் இருக்கும் ஸ்ரீலங்கா சுதந்திர கட்சி உறுப்பினர்கள் விரக்தியடைந்துள்ளனர். அதனால் அவர்களில் ஒரு பிரிவினர் எதிர்வரும் மாகாண சபை தேர்தலுக்கு முன்னர் கூட்டு எதிர்க்கட்சியில் இணைந்துகொள்ளவுள்ளனர். அதற்கான உறுதியை அவர்கள் என்னிடம் தெரிவித்துள்ளார்கள் என்றார்.