தவறவிடாதீர்கள்..!உடனே பதிவு செய்யுங்கள்

சசிகுமாருக்கு ஜோடியாக வெற்றிவேல் என்ற படத்தில் அறிமுகமாகி, நடிக்கத் தெரிந்த நடிகை என்று பெயரெடுத்தவர் நடிகை நிகிலா விமல். அதைத் தொடர்ந்து சசிகுமாருக்கு ஜோடியாக கிடாரி என்ற படத்திலும் நடித்து ராசியான நடிகை என்று பெயர் பெற்றார். ஆனால் அவருக்கு தொடர்ந்து தமிழில் வாய்ப்புகள் அமையவில்லை. தற்போது சிபிசத்யராஜுக்கு ஜோடியாக ரங்கா என்ற படத்தில் நடித்து வருகிறார். தமிழில் பெரிய வாய்ப்புகள் வராததாலும், மலையாள தேசத்து இளம்  நடிகைகளான அனுபமா பரமேஸ்வரன், சாய் பல்லவி ஆகியோர் தெலுங்கு திரையுலகில் முன்னணி நடிகைகளாக முன்னேறியிருப்பதாலும் இவரும் தெலுங்கு பக்கம் கவனம் செலுத்த தொடங்கியிருக்கிறார்.

மலையாளத்தில் வெளியாகி பெரிய அளவில் வெற்றிப்பெற்ற ‘ஒரு வடக்கன் செல்பி’ என்ற படம் தெலுங்கில் ரீமேக் செய்கிறார்கள். அதில் அல்லரி நரேசுக்கு ஜோடியாக தெலுங்கில் அறிமுகமாகிறார் நடிகை நிகிலா விமல். இவருக்கு தெலுங்கு திரையுலகம் வெற்றிகரமாக அமைய வாழ்த்துவோம்.

தகவல் : சென்னை அலுவலகம்