47 வயதாகியும் இன்றும் கூட தமிழ், தெலுங்கு, கன்னடம், மலையாளம் ஆகிய மொழிகளில் ஓய்வேயில்லாமல் நடித்து வரும் நடிகை ரம்யா கிருஷ்ணன் கடந்த சில வாரங்களாக கவலையில் இருக்கிறாராம். அவரது கணவரும் இயக்குநருமான கிருஷ்ண வம்சி தயாரித்து இயக்கிய தெலுங்கு படம் தோல்வியை தழுவியதே காரணம் என்கிறார்கள்.

இந்த படத்தின் தோல்விக்கும் இன்று ( 1. 9. 17) வெளியாகவிருந்த ‘மாயவன் ’படத்தின் வெளியீடு தள்ளிப்போனதற்கும் தொடர்புண்டாம். கிருஷ்ண வம்சி தயாரித்து இயக்கிய படத்தில் ‘மாநகரம் ’புகழ் சந்திப் கிஷன் தான் நாயகன். நாயகியாக ரெஜினா நடித்திருந்தார்.ஸ்ரேயா சரண் ஒரேயொரு பாடலுக்கு கவர்ச்சி நடனமும் ஆடியிருந்தார் இவ்வளவு இருந்தும் இந்த படம் தோல்வியை தழுவியதால், காரணம் தெரியாமல் கவலையில் ஆழ்ந்துவிட்டார்களாம் தம்பதியர்கள்.

ஆனாலும் ‘வம்சம் ’தொடரின் வெற்றியால் இவர் தன்னை தானே ஆறுதல்படுத்திக் கொள்கிறாராம்.

தகவல் : சென்னை அலுவலகம்