தவறவிடாதீர்கள்..!உடனே பதிவு செய்யுங்கள்

இலங்கை கிரிக்கெட் நிறுவனம் உயர் மட்டத்திலுள்ள 10 கிரிக்கெட் கழகங்களுக்கு 5 மில்லியன் ரூபா பெறுமதியான மைதானத்தை மேம்படுத்தும் மற்றும் பராமரிக்கும் உபகரணங்களை வழங்கி வைத்துள்ளது.

சிறிய ரக கை ட்ராக்டர்கள், ஆடுகளத்தை வெட்டி பதப்படுத்தும் உபகரணங்கள், எல்லைக் கயிறுகள் மற்றும் பல மைதான பராமரிப்பு உபகரணங்கள் போன்றவையே இலங்கை கிரிக்கெட் நிறுவனத்தால் வழங்கி வைக்கப்பட்டுள்ளன.

சிங்களீஸ் ஸ்போர்ட்ஸ் கழகம், ப்ளும்பீல்ட் கிரிக்கெட் கழகம், கொழும்பு கிரிக்கெட் கழகம், நண்டூஸ்கிரிப்ட் கிரிக்கெட் கழகம், தமிழ் யூனியன் மற்றும் தடகள கிரிக்கெட் கழகம், சில்லா மேரியன்ஸ் கிரிக்கெட் கழகம், மோர்ஸ் கிரிக்கெட் கழகம், கொழும்பு கொல்ட்ஸ் கிரிக்கெட் கழகம், இராணுவ விளையாட்டு கழகம், பர்கர் பொழுது போக்கு கழகம், கடற்படை விளையாட்டுக் கழகம் பொலிஸ் ஸ்போர்ட்ஸ் கழகம், விமானப்படை விளையாட்டு கழகம், மற்றும் பாணந்துறை விளையாட்டு கழகம் ஆகிய தேர்ந்தெடுக்கப்பட்ட உயர் மட்ட விளையாட்டு கழகங்களுக்கு இலங்கை கிரிக்கெட் நிறுவனம் குறித்த உபகரணங்களை வழங்கி வைத்துள்ளது.

பாடசாலை கழகங்கள் மாவட்டம் மற்றும் மாகாணங்களில் கிரிக்கெட் விளையாட்டை அபிவிருத்தி செய்யும் செயற்திட்டத்தின் கீழ் 5 மில்லியன் ரூபா செலவில் இவ் உபகரணங்கள் வழங்கப்பட்டுள்ளமை குறிப்பிடத்தக்கது.