தவறவிடாதீர்கள்..!உடனே பதிவு செய்யுங்கள்

வவுனியா மத்திய பேருந்து நிலையத்தில் இன்று காலை 5.45 மணியளவில் கேரள கஞ்சாவுடன் ஒருவரைக் கைது செய்துள்ளதாக பொலிசார் தெரிவித்துள்ளனர்.

கிளிநொச்சியிலிருந்து 2 கிலோகிராம் கேரளா கஞ்சாவினை வவுனியாவிற்கு எடுத்துச்சென்ற வேளையிலேயே வவுனியா மத்திய பேருந்து நிலையத்தில் வைத்து குறித்த நபரை கைது செய்துள்ளதாக பொலிஸார் தெரிவித்தனர்.

இவ்வாறு கைது செய்யப்பட்ட நபர் கிளிநொச்சியைச் சேர்ந்த 39 வயதுடைய கதிர்காமநாதன் கார்த்தீபன் என விசாரணைகளில் இருந்து தெரியவந்துள்ளதாக பொலிஸார் தெரிவித்தனர்.

கைது செய்யப்பட்ட நபரை  நீதிமன்றில் முன்னிலைப்படுத்த நடவடிக்கை  மேற்கொண்டு வருவதாக வவுனியா பொலிஸார் மேலும் தெரிவித்தனர்.

இதேவேளை, கடந்த நாட்களாக வவுனியா பேருந்து நிலையத்தில் தொடர்ச்சியாக கேரள கஞ்சாவுடன் பலர் கைதுசெய்யப்பட்டுள்ளமை குறிப்பிடத்தக்கது.