பாலியல் துஷ்­பி­ர­யோக  வழக்கில்  கைதான சாமியார்   குர்மீத் சிங்­குக்கு  இரு வழக்­கு­களில் தலா 10 ஆண்­டுகள் என மொத்தம் 20 ஆண்­டுகள் கடூழிய சிறைத்தண்­டனை விதிக்­கப்­பட்­டுள்­ளது.  இவ் வழக்கில் கொடிய மிரு­கத்­திற்கு எல்லாம் கருணை கிடை­யாது என சி.பி.ஐ. நீதி­மன்றம் தெரி­வித்­துள்­ளது.

இரு­பெண்கள் பாலியல் பலாத்­காரம் செய்­யப்­பட்ட வழக்கில் ‘தேரா சச்சா சவுதா' மத அமைப்பின் தலைவர் சாமியார் குர்மீத் சிங்­கிற்கு 20 ஆண்­டுகள் கடுங்­காவல் சிறைத்­தண்­டனை விதித்து சி.பி.ஐ. நீதி­மன்றம்  தீர்ப்பு வழங்­கி­யது. இந்த தீர்ப்பை கேட்­டதும் அங்கே நின்­றி­ருந்த குர்மீத் சிங் கண்ணீர் விட்டு கத­றினார். தனக்கு மன்­னிப்பு வழங்­கு­மாறு கரம் கூப்பி நீதி­ப­தி­யிடம் அவர் வேண்­டிக்­கொண்­ட­துடன் அந்த அறையை விட்டு நக­ரவும் மறுத்­த­தாக சிறை அதி­கா­ரிகள் தெரி­வித்­தனர். பின்னர் இந்த தீர்ப்பை எதிர்த்து உயர்­நீ­தி­மன்­றத்தில் முறை­யி­டப்­போ­வ­தாக குர்மீத் சிங் கூறி உள்ளார்.

 இதேவேளை தீர்ப்பு வழங்­கிய நீதி­பதி ஜக்தீப் சர்மா “குற்­ற­வாளி (குர்மீத் சிங்), தன்னை கடவுள் என்று பின்­பற்­றிய பக்­தர்­களை கூட விட­வில்லை. மனி­த­நேயம் பற்றி கவலை கொள்­ள­வில்லை. குற்­ற­வா­ளி­யிடம் இயற்­கை­யா­கவே கருணை என்­பது கிடை­யாது. இது அவ­ரு­டைய நட­வ­டிக்­கையின் மூலமே தெரி­கி­றது. இது­போன்ற குற்­ற­வாளி நீதி­மன்­றத்தில் இருந்து எந்­த ­ஒரு கரு­ணையும் எதிர்­பார்க்கக்கூடாது. குற்­ற­வாளி மிகவும் கொடிய மிரு­கத்­தை­ப்போன்று நடந்துக் கொண்­டுள்ளார் எந்­த­ ஒரு கரு­ணையும் கிடை­யாது என கூறி­விட்டார். 

பாலியல் துஷ்பிரயோகம் என்­பது உடல் ரீதி­யான தாக்­குதல் மட்டும் கிடை­யாது அது பாதிக்­கப்­பட்ட பெண்ணின் ஒட்­டு­மொத்த நல­னையும் அழித்­து­வி­டு­கி­றது என்ற  உச்­ச­நீ­தி­மன்ற தீர்ப்பை குறிப்­பிட்ட சி.பி.ஐ. நீதி­மன்றம், இவ்­வ­ழக்கில் பாதிக்­கப்­பட்ட பெண்கள் தேரா தலை­வரை கடவுள் என ஏற்றுக் கொண்­டுள்­ளனர்.  

அது­ப­டியே பின்­பற்றி உள்­ளனர். இருப்­பினும், குற்­ற­வாளி (குர்மீத் சிங்) அப்­பாவி பக்­தர்கள் மீது பாலியல் வன்­கொ­டுமை தாக்­கு­தலை நடத்­தியுள்ளார், கடும் விளை­வு­களை சந்­திக்க நேரிடும் என பாதிக்­கப்­பட்ட பெண்­களை மிரட்­டி­யுள்ளார், இது­போன்ற குற்­ற­வாளி எந்­த­ ஒரு கரு­ணை­யையும் எதிர்­பார்க்க முடி­யாது என ­தெ­ரி­வித்­தார்.