தவறவிடாதீர்கள்..!உடனே பதிவு செய்யுங்கள்

ராகமைப் பகுதியில்  போலி ஆவணங்களுடன் இருவர் நேற்று முன்தினம் பொலிஸாரால் கைது செய்யப்பட்டுள்ளனர்.

போலியாக தயாரிக்கப்பட்ட சாரதி அனுமதிப்பத்திரங்கள், முத்திரைக் குறியீடுகள், தற்காலிக சாரதி அனுமதிப்பத்திரங்கள், மோட்டார் வாகன பதிவு சான்றிதழ்கள், பல்வேறு நிறுவனங்களின்  கடித தலைப்புக்கள், தபால் அடையாள அட்டைகள், மற்றும்  வாகன இலக்கத் தகடுகள் ஆகியவற்றுடனேயே இருவர்  கைதுசெய்யப்பட்டுள்ளதாக   பொலிஸ் ஊடகப் பேச்சாளர்   பொலிஸ் அத்தியட்சகர்  ருவான் குணசேகர தெரிவித்துள்ளார். 

51 மற்றும் 52 வயதுடைய இருவரே இவ்வாறு கைதுசெய்யப்பட்டுள்ளனர். இவர்கள்  ராகம பிரதேசத்தை சேர்ந்தவர்கள் என்றும்  ஒரு சந்தேகநபர்  களனிப்பிரதேச செயலகத்தில்  சாரதியாகப் பணியாற்றி  ஓய்வு பெற்றவர் என்றும் மற்றையவர்  ஓய்வு பெற்ற இராணுவ வீரர் எனவும் விசாரணைகளிலிருந்து தெரியவந்துள்ளதாக  பொலிஸ் . பேச்சாளர் சுட்டிக்காட்டியுள்ளார். 

கைது செய்யப்பட்ட இருவரும் நேற்றைய தினம்   மஹர நீதவான்நீதிமன்றில்  ஆஜர்படுத்துவதற்கு ஏற்பாடாகியிருந்தது. குற்றப்புலனாய்வுத் திணைக்களம் மேலதிக விசாரணைகளை முன்னெடுக்கின்றது.