தவறவிடாதீர்கள்..!உடனே பதிவு செய்யுங்கள்

காசல்ரீ நீர் தேக்கத்திற்கு நீர் ஏந்தி செல்லும் பெற்றோசோ டெவன் போல் காட்டுப் பகுதியில் சட்டவிரோத மாணிக்க கல் அகழ்வில் ஈடுபட்டு வந்த 6 பேரை பொகவந்தலாவ பொலிஸார் கைது செய்துள்ளனர். 

இன்று அதிகாலை 1.30 மணி அளவில் இவர்களை கைது செய்துள்ளதாக பொலிஸார் தெரிவித்தனர். 

பொகவந்தலாவ பொலிஸ் நிலைய பொறுப்பதிகாரி கே.சி.தர்மபிரிய தலைமையில் நேற்று இரவு முன்னெடுக்கப்பட்ட சுற்றிவளைப்பின் போது இந்த 6 பேரும் கைது செய்யப்பட்டதாக தெரிவிக்கப்படுகிறது. 

கைது செய்யப்பட்டவர்களிடம் இருந்து மாணிக்ககல் அகழ்விற்கு பயன்படுத்தப்பட்ட ஒரு சில உபகரணங்களையும் பொலிஸார் கைப்பற்றியுள்ளதாக தெரிவித்தனர். 

கைது செய்யபட்ட 6 பேரும் பெற்றோசோ தோட்டத்தைச் சேர்ந்தவர்கள் எனவும் இவர்கள் 6 பேருக்கும் இன்றைய தினம் பொலிஸ் நிலைய பெறுப்பதிகாரி கே.சி.தர்மபிரியவினால் பிணை வழங்கப்பட்டு, எதிர்வரும் 22.08.2017 அன்று ஹட்டன் நீதவான் முன்னிலையில் அஜராகுமாறு உத்தரவு பிறப்பிக்கப்பட்டுள்ளதாக பொலிஸார் மேலும் தெரிவித்தனர். 

சம்பவம் தொடர்பில் மேலதிக விசாரணைகளை பொலிஸார் மேற்கொண்டு வருகின்றமை குறிப்பிடதக்கது.