மூளை மற்றும் உடலின் மற்ற அவய வங்கள் அனைத்தையும் இணைப்பதுடன், அந்த அவயவங்கள் முறையாக இயங்கு வதற்கான கட்டளைகளை மூளையில் இருந்து எடுத்துச் சென்று சேர்ப்பிக்கும் முக்கியமான பணியை நரம்புகளே செய்கின்றன. உச்சந்தலை முதல் உள்ளங்கால் வரை ஊடுருவியிருக்கும் இந்த நரம்புகளின் செயற்பாடு தடைப்பட்டால் ஏற்படக்கூடிய விளைவுகள் பற்றி விளக்குகிறார் டாக்டர். P.வெங்கடேஷ். இவர், மதுரை வேலம்மாள் மருத்துவக் கல்லூரியின் மூளை நரம்பியல் சிறப்பு நிபுணர்.

பக்­க­வாதம், வலிப்பு, கை கால் அசைக்க இய­லாமை, குழந்­தை­க­ளுக்கு மூளை வளர்ச்சி குறை­பாடு, ஆட்­டிஸம், ஏ.டி.­எச்.டி என நரம்­பு­க­ளுடன் தொடர்­பு­டைய பல நோய்கள் உண்டு. நாம் மிகச் சாதா­ர­ண­மாக நினைக்கும் தலை­வலி கூட நரம்­பியல் கோளா­று­களின் ஒரு வகையே! ஆனால், தொடர்ச்­சி­யா­கவோ, அடிக்­க­டியோ தலை­வலி வந்த யாரும் நரம்­பியல் மருத்­து­வரை நாடு­வ­தில்லை. சுய மருத்­துவம் செய்­து­கொள்­கி­றார்கள். இன்னும் சிலர் கண் மருத்­து­வர்­களை நாடு­கி­றார்கள். இவை தலை­வ­லிக்­கான நிவா­ரணம் தேடும் தவ­றான அணு­கு­மு­றைகள். ஏனெனில், 99 சத­வீ­த­மான தலை­வலி நரம்­பியல் கோளா­று­களால் தான் ஏற்­ப­டு­கி­றது. எனவே, அடிக்­கடி அல்­லது தொடர்ச்­சி­யாகத் தலை­வலி வரு­கி­றது என்றால், உடனே நரம்­பியல் மருத்­து­வர்­களை அணு­கினால், அதற்­கான கார­ணத்­தையும் அதைத் தீர்ப்­ப­தற்கு உரிய வழி­மு­றை­யையும் தரு­வார்கள். பல்­வே­று­பட்ட தலை­வலி களுள் ‘மைக்ரேன்’ தலை

வலி எனப்­படும் ஒற்றைத் தலை­வ­லியே கடு­மை­யான விளை­வு­களைத் தரக்­கூடியது. மேலும், இந்த வகைத் தலை­வ­லியால் பாதிக்­கப்­படு பவர்­களின் எண்­ணிக்­கையே அதி­க­மா­கவும் இருக்­கி­றது. தலை­வலித் தாக்­கு­த­லுக்கு உள்­ளா­வோரில் 100க்கு 75 பேர் என்ற விகி­தத்தில் மைக்­ரேனால் பாதிக்­கப்­படுகிறார்கள். இதை குணப்­ப­டுத்த முடி­யாது என்ற பழைய சித் தாந்தம் என்றோ பழ­சா­கி­விட்­டது. இப்­போது எளிய முறை­யி­லேயே இதைத் தீர்க்­கலாம்.

வலிப்பு என்­பது கைகளும் கால்­களும் உத­று­வ­துதான் என்றே பலரும் எண்­ணி­யிருக் கிறார்கள். உண்மை அது­வல்ல. வலிப்­பு­களி லும் பல வகைகள் உண்டு. ஒரு கையும் காலும் இழுப்­பதும் கண்கள் ஒரே­யி­டத்தில் நிலை­குத்தி நிற்­பதும் சில நேரங்­களில் பிள்­ளைகள் எதை­யா­வது எழு­திக்­கொண்­டி­ருக்­கும்­போது, அதை நிறுத்­தி­விட்டு கன­வு­லகில் சஞ்­ச­ரிப்­பது போல் அப்­ப­டியே நிலை­குத்தி இருப்­பதுவும் வலிப்பு நோயே. சிலர் நன்­றாக நடந்து கொண்­டி­ருப்­பார்கள். திடீ­ரென்று சம­நிலை தவறிக் கீழே விழுந்­து­வி­டு­வார்கள். சிலர் மின்­சாரம் பாய்ந்­தது போல் அப்­ப­டியே ஒரு சில விநா­டிகள் நின்­று­வி­டுவர். இதுவும் வலிப்புத் தான். இப்­படி ஏதேனும் வலிப்பு குறித்த அறி­குறி இருந்தால் உட­ன­டி­யாக நரம்­பியல் மருத்­து­வர்­களை சந்­திக்க வேண்டும்.

வலிப்பு நோய்க்கு இரும்புப் பொருளைக் கையில் கொடுப்­ப­தற்­கான அறி­வியல் விளக்­கங்கள் எதுவும் இல்லை. எனவே, வலிப்பு வந்­து­விட்டால் இரும்பைத் தேடு­வதை விட்­டு­விட்டு, உட­ன­டி­யாக மருத்­து­வ­ரிடம் அழைத்துச் செல்­வதே சிறந்­தது.

அடுத்த பக்­க­வாதம். பக்­க­வாதம் ஏற்­பட்டால் அரு­கி­லி­ருப்­ப­வர்கள் தடு­மா­றி­வி­டு

கி­றார்கள். அவர்கள் செய்­ய­வேண்­டி­யதெல் லாம், பாதிக்­கப்­பட்­ட­வரை அவர் பாதிப்புக் குள்­ளான நான்­கரை மணித்­தி­யா­லத்­திற்குள் நரம்­பியல் மருத்­துவ நிபு­ண­ரிடம் காண்­பித்­து­விட வேண்டும். இதன்­போது, பக்­க­வா­தத்தை விரட்­டு­வ­தற்­காக அண்­மையில் அறி­மு­க­மா­கி­யி­ருக்கும் அதி­ந­வீன சிகிச்­சை­களை அவர் முன்­னெடுப்பார். இதனால், அடுத்த நாளே நீங்கள் முழு­மை­யாக குண­ம­டைந்­து­விட முடியும். ஒரு­வேளை சிகிச்சை தாம­த­மானால், அடுத்த நான்கு மணித்­தி­யா­லங்­க­ளுக்குள் ‘எம்­போ­லத்­தெமி’ என்ற சிகிச்சை மூலம் பாதிப்­பு­களைக் குறைக்க முடியும். எட்டு மணித்­தி­யா­லங்கள் கடந்து வந்தால், மூளையில் பாதிப்பு ஏற்­ப­டாமல் தடுக்க மட்­டுமே முடியும்.

பக்­க­வா­தத்தால் மூளையின் ஒரு பக்கம் வீங்­கி­னாலோ, அந்த வீக்­க­மா­னது மற்­றொரு பக்க மூளை­யினை அதி­க­ளவில் அழுத்தத் தொடங்­கி­னாலோ நோயா­ளிக்கு சத்­திர சிகிச்சை அவ­சி­யப்­ப­டலாம். வேறு சில­ருக்கு மூளையில் கட்டி ஏதேனும் ஏற்­பட்­டி­ருந்தால் நிலை­மையைப் பொறுத்து சத்­திர சிகிச்சை அவ­சி­யப்­ப­டலாம்.

இந்த சிகிச்­சைகள் சற்று விலை உயர்ந்­த­தாகத் தெரி­யலாம். ஆனால், குறிப்­பிட்ட இந்தக் குறு­கிய காலத்­திற்குள் உட­ன­டி­யாக இந்த சிகிச்­சை­களைச் செய்­யாமல் விட்­டு­விட்டால், வாழ்க்கை முழு­வதும் பாதிப்பு தொடரும் என்­ப­தையும் மக்கள் மனதில் கொள்ள வேண்டும்.

ஏறக்­கு­றைய பக்­க­வா­தத்தை ஒத்த இன்­னொரு வியாதி ‘பர்க்­கின்ஸன்’. வய­தா­ன­வர்­களை அதி­க­மாகப் பாதிக்கும் இந்த நோயினால், ஒரு கை அல்­லது ஒரு கால் அல்­லது ஏதேனும் ஒரு பகுதி மட்டும் இலேசாக நடுக்கம் காணத் தொடங்கும். ஆரம்­பத்­தி­லேயே இதைக் கண்­ட­றிந்து நரம்­பியல் மருத்­துவ சிகிச்சை பெற்றால் அதன்பின் பெரும் பாதிப்­புகள் ஏற்­ப­டு­வதைத் தவிர்த்­து­விட முடியும். மாறாக, இதை அடை­யாளம் காண முடி­யாமல் அல்­லது அலட்­சி­யப்­ப­டுத்­தி­விட்டால், ஒரு கையி­லி­ருந்து இரண்­டா­வது கைக்கும் இது நீளும். அதன் பிறகு எல்லா இயக்­கங்­களும் மெது­வாக நடை­பெறும். அடிக்­கடி கீழே விழுந்­து­வி­டு­வார்கள். ஞாபக மற­தியும் அதி­க­மா­கி­விடும்.

இன்­னொரு முக்­கிய நரம்­பியல் நோய் பெரி­ப­ரல்­பால்சி. இது குழந்­தை­களின் மூளை வளர்ச்சி குறை­பாடு. இந்த நோயால் பாதிக்­கப்­படும் குழந்­தை­க­ளுக்கு உட­ன­டி­யாக மருத்­துவ சிகிச்சை கொடுக்க வேண்டும். குறிப்­பாக குழந்தை பிறந்­த­வுடன் அழாமல் இருப்­பது, குழந்­தையின் தலை நிற்­காமல் இருப்­பது போன்ற பாதிப்­புகள் உட­ன­டி­யாக நரம்­பியல் மருத்­துவ சிகிச்­சை­க­ளுக்கு உட்­ப­டுத்­தப்­பட வேண்டும். ஏனெனில், குழந்தை பிறந்து இரண்டு ஆண்­டிற்குள் அதன் மூளை 90 சத­வீதம் வளர்ச்­சி­ய­டைந்­து­விடும். அதற்குள் இது­போன்ற குறை­பா­டுகள் சரி­செய்­யப்­பட வேண்டும்.

ஆட்­டிஸம் பற்றிக் கேள்­விப்­பட்­டி­ருப்­பீர்கள். இந்த நோயால் பாதிக்­கப்­பட்ட குழந்­தை­களை முழு­மை­யாக மீட்­டெ­டுப்­ப­தற்கு மருந்து மாத்­தி­ரைகள் கிடை­யாது. இத்­த­கைய பாதிப்­பிற்கு மாற்று மருத்­து­வத்தில் தீர்வு இருப்­ப­தாக சொல்­கி­றார்கள்.

ஆனால், அவை முழு­மை­யா­னவை அல்ல. ஆட்­டி­ஸத்தில் இருந்து கொஞ்­ச­மா­வது விடு­ப­டு­வ­தற்கு பயிற்­சிகள் மட்­டுமே வழி. நரம்­பியல் மருத்­து­வர்­களின் வழி­காட்­ட­லுடன் வழங்­கப்­படும் உடற்­ப­யிற்­சியில் நாள­டைவில் முன்­னேற்றம் கிடைக்கும்.

அண்­மையில் வெளி­வந்த ‘பசங்க 2’ படத்தின் மூலம், ஏ.டி­.எச்.டி பாதிப்பு குறித்துப் பர­வ­லாகத் தெரி­ய­வந்­தி­ருக்­கி­றது. மருந்­து­க­ளுடன், பிள்­ளை­க­ளுடன் போதிய நேரத்தைச் செல­வி­டு­வது போன்ற சில நுண்­ணிய விட­யங்கள் மூலம் இதைச் சரி­செய்ய முடியும்.

சில மருத்­து­வர்கள் போஷாக்குக் குறை­பாட்டால் உங்கள் பிள்­ளையின் மூளை­வ­ளர்ச்சி பாதிக்கப்­பட்­டி­ருக்­கி­றது என்று கூறு­வார்கள். ஆனால், அது தவறானது. போஷாக்குக் குறை­பாட்டால் மூளை வளர்ச்சி பாதிக்­கப்­ப­டாது. அத்­துடன், ஊட்­டச்­சத்து மாத்­தி­ரை­களை உட்கொள் வதால் மட்டும் குழந்­தையின் குறை­பாடு நீங்­காது.

இதில் ஓவர் எக்­டி­விட்டி என்றும் ஹைப்பர் எக்­டி­விட்டி என்றும் இரண்டு பிரி­வுகள் இருக்­கின்­றன. சாதா­ரண குழந்­தைகள் சற்றுத் துரு­துரு­வென அந்த வயதுக்­கு­ரிய குறும்­புத்­த­னத்தைச் செய்யும். அதனை அனு­ம­திக்­க­வேண்டும். இவர்கள் சூழல் மாறி­விட்டால் தங்­களின் நட­வ­டிக்­கை­களை மாற்றிக் கொண்­டு­வி­டு­வார்கள். பொதுவாக வீட்டில் இருக்கும் போது சேட்டை செய்யும் குழந்தை, பாடசாலைக்கு சென்றுவிட்டால் அங்குள்ள சூழலுக்கு தன்னைப் பொருத்திக் கொண்டுவிடும். அதையும் மீறி குறும்பு செய்தால் அதனை அங்குள்ள ஆசிரியர் மிரட்டி அவர்களை இயல்பாக்கி விடுவார்கள். ஆனால் ஹைப்பர் எக்டிவிட்டி உள்ள குழந்தைகளை ஆசிரியர்களாலும் கட்டுப்படுத்த இயலாது. அவர்கள் ஆசிரியர்களுக்கும் கட்டுப்பட மாட்டார்கள்.

இதைக் கண்டறிந்து இரண்டு அல்லது மூன்று வயதிற்குள் சிகிச்சையை தொடங்கிவிட்டால் அவர்கள் விரைவில் குணமடைந்து விடுவார்கள். இல்லையெனில், எதிர்காலத்தில் தவறான பழக்க வழக்கங்களுக்கு எளிதில் ஆட்பட்டுவிடுவார்கள்.

மேலும் விபரங்களுக்கு

டாக்டர். P.வெங்கடேஷ், M.D D.M., (Neuro).,

மூளை நரம்பியல் சிறப்பு மருத்துவர்

அலைபேசி: 0091 9500964472

மின்னஞ்சல் முகவரி: venkipgi@gmail.com

சந்திப்பு: பரத்

தொகுப்பு: புகழ்