யாழ்ப்­பாணம் கொக்­குவில் பகு­தியில்  முறைப்­பாடு  ஒன்று தொடர்பில் விசா­ரணை செய்யச் சென்ற போது, இரு பொலிஸார் மீது நந்­தாவில் அம்மன் கோவில் அருகில் வைத்து வாள் வெட்டுத் தாக்­குதல் நடத்­திய குழுவின் முக்­கிய உறுப்­பி­னர்கள் எனக் கரு­தப்­படும் நல்லூர் முத்து  உள்­ளிட்ட இரு­வரை நேற்று பொலிஸார் கைது செய்­துள்­ளனர். 

ஏற்­க­னவே மது உள்­ளிட்ட இரு­வரைக் கைது செய்து 10 ஆம் திக­தி­வரை விளக்­க­ம­றி­யலில் வைத்­துள்ள நிலை­யி­லேயே நேற்று யாழ். பொலிஸ் பொறுப்­ப­தி­காரி தலை­மை­யி­லான சிறப்புக் குழு இவ்­விரு சந்­தேக நபர்­க­ளையும் கைது செய்­தது. 

 பொலிஸார் மீதான தாக்­குதல் குறித்து கைது செய்­யப்­பட்­டோரின் எண்­ணிக்கை தற்­போது நான்­காக உயர்ந்­துள்­ள­தும. புதி­தாக கைதான இரு­வரும் 18 வயது நிரம்­பி­ய­வர்கள் என குறிப்­பிட்ட பொலிஸ் ஊடகப் பேச்­சாளர் பொலிஸ் அத்­தி­யட்சர் சட்­டத்­த­ரணி ருவன் குண­சே­கர, அவர்­க­ளிடம் தொடர்ச்­சி­யாக விசா­ர­ணை­களை முன்­னெ­டுத்து வரு­வ­தா­கவும், தாக்­கு­த­லுக்கு பயன்­ப­டுத்­திய வாள்கள், மோட்டார் சைக்­கிள்­களை கைப்­பற்ற சிறப்பு விசா­ர­ணைகள் நடை­பெ­று­வ­தா­கவும் சுட்­டிக்­காட்­டினார்.

இத­னி­டையே இந்த வாள்­வெட்டு சம்­ப­வங்கள் தொடர்பில் பிர­தான சந்­தேக நப­ராக அடை­யாளம் காணப்­பட்­டுள்ள முன்னாள் விடு­தலைப் புலி உறுப்­பி­னரும் ஆவா பாதாள உலகக் குழு உறுப்­பி­ன­ரு­மான விக்­டரை கைது செய்ய சிறப்பு நட­வ­டிக்கை முன்­னெ­டுக்­கப்­பட்­டுள்­ளது. வட மாகாண சிரேஷ்ட பிரதிப் பொலிஸ் மா அதிபர் ரொஷான் பெர்­ணான்­டோவின் நேரடி கட்­டுப்­பாட்டில் யாழ். பிரதிப் பொலிஸ் மா அதிபர் பாலித்த பெர்­ணான்­டோவின் ஆலோ­ச­னைக்கு அமைய யாழ். பொலிஸ் நிலைய பொறுப்­ப­தி­காரி பிர­தான பொலிஸ் பரி­சோ­தகர் ஹேவா­வித்­தான தலை­மையில் 6 பொலிஸ் குழுக்­களே இந்த விசா­ர­ணை­களை முன்­னெ­டுத்­துள்­ளன.

கடந்த ஜூலை 30 ஆம் திகதி கொக்­குவில் பகு­தியில் முறைப்­பாட்டு விசா­ர­ணைக்கு சென்ற தம்­மிக, சுரேஷ் ஆகிய இரு பொலிஸ் கான்ஸ்­ட­பிள்கள் வாள்­வெட்­டுக்கு உள்­ளாகி இருந்­தனர்.  

முதலில் நல்லூர் சத்­தி­யா­னந்­தன வீதியைச் சேர்ந்த 20 வய­து­டைய மதூ எனப்­படும் சிவ­ராஷா மதுஷன் மற்றும் 23 வய­து­டைய மானிப்பாய் பகு­தியைச் சேர்ந்த விஜ­ய­ரத்னம் சிவராஜ் ஆகி­யோரை கடந்த முதலாம் திகதி பொலிஸார் கைது செய்­தனர். 

அவர்­க­ளி­ட­மி­ருந்து கொலை முயற்­சிக்கு பயன்­ப­டுத்­திய ஒரு மோட்டார் சைக்­கி­ளையும் பொலிஸார் கைப்­பற்­றினர். இத­னை­ய­டுத்தே நேற்று 18 வய­து­டைய நல்லூர் வீதி, அர­ச­டியைச் சேர்ந்த நல்லூர் முத்து  என அறி­யப்­படும் யோக­ராசா சதீ­சையும் கோப்பாய் மத்­தியைச் சேர்ந்த 18 வய­து­டைய அருள் சீலன் பெட்ரிக் தினே­சையும் பொலிஸார் கைது செய்­தனர். 

கைதா­ன­வர்­க­ளிடம் தொடர் விசா­ரணை இடம்­பெறும் நிலையில் இன்று அவர்­களை நீதி­மன்றில் ஆஜர் செய்ய பொலிஸார் நட­வ­டிக்கை எடுத்­துள்­ளனர்.

சம்­பவம் தொடர்பில் சந்­தேக நபர்கள் 7 மோட்டார் சைக்­கிளில் வந்­துள்­ள­தாக ஆரம்­ப­கட்ட விசா­ர­ணைகள் ஊடாக கண்­ட­றிந்­துள்ள பொலிஸார் ஒவ்­வொரு மோட்டார் சைக்­கிள்­க­ளிலும் 2 அல்­லது மூன்று பேர் இருந்­துள்­ளதை சாட்­சிகள் ஊடாக வெளிப்­ப­டுத்திக் கொண்­டுள்­ளனர். 

அதன்­படி குறைந்த பட்சம் 15 பேர் கொண்ட குழு இந்த தாக்­கு­தல்­க­ளுடன் தொடர்பு பட்­டுள்­ள­தாக சந்­தே­கிக்கும் பொலிஸார் அனை­வ­ரையும் சட்­டத்தின் பிடிக்குள் கொண்­டு­வர விஷேட திட்டம் ஒன்­றினை வகுத்து விசா­ர­ணை­களை முன்­னெ­டுத்­துள்­ளனர். 

 ஏனைய சந்­தேக நபர்­களை சட்டத்தின் பிடியில் கொண்டுவர பொலிஸார் தொடர் விசாரணைகளை முன்னெடுத்துள்ளனர். இதற்காக  விஷேட அதிரடிப்படையின் கட்டளைத் தளபதி சிரேஷ்ட பிரதிப் பொலிஸ் மா அதிபர் எம்.ஆர். லதீபின் ஆலோசனைக்கு அமைய சிறப்பு படைப் பிரிவொன்றும் கடமையில் ஈடுபடுத்தப்பட்டுள்ளமை சுட்டிக்காட்டத்தக்கது.