பாடசாலைகளை விட்டு இடை நடுவில் விலகிச் சென்ற மாணவர்கள் தமக்கான சுயதொழில் முயற்சியாக போதைப் பொருள் விற்பனையில் ஈடுபட்டு வருவதாக மாத்தளை மாவட்ட பாராளுமன்ற உறுப்பினர் ரோகினி கவிரத்ன தெரிவித்தார்.
மாத்தளை மாவட்ட செயலகத்தில் இடம்பெற்ற மாவட்ட அபிவிருத்தி ஒருங்கிணைப்பு கூட்டத்தில் கலந்துகொண்டு கருத்து வெளியிடும் போதே அவர் இதனைத் தெரிவித்தார்.
இது தொடர்பில் அவர் மேலும் குறிப்பிடுகையில், பாடசாலையை விட்டு இடை நடுவில் விலகிச் சென்ற மாணவர்கள் தம்மோடு கல்வி கற்ற சகாக்கள் அவர்களின் காலப் பகுதியில் கல்வி கற்ற பிற பாடசாலை சகாக்கள் ஆகியோர் மத்தியிலுமே இப்போதைபொருள் வியாபாரம் மேற்கொள்ளப்பட்டு வருகின்றது.
சில மாணவர்கள் மத்தியிலுள்ள இவ்வாறான தவறான பழக்கவழக்கங்களால் முழுப் பாடசாலை சமூகமே சீரழிவுக்குட்படும் அபாய நிலை காணப்படுகிறது.
இதனால் அவர்கள் கெட்டழிந்து போவதோடு, பிறபாடசாலை சந்ததியினரையும் இதுபோன்று போதைப்பொருள் பாவனையில் ஈடுபடுத்தி வருவது உடனடியாகத் தடுத்து நிறுத்தப்பட வேண்டியது கட்டாயமாகும்.
அதற்கு உரிய நடவடிக்கையை மாவட்ட ஒருங்கிணைப்புக் குழு மேற்கொள்ள வேண்டுமெனவும் கேட்டுக்கொண்டார்.
இவ்விடயம் தொடர்பில் கூட்டத்துக்குத் தலைமை வகித்த மத்திய மாகாண முதலமைச்சர் சரத் ஏக்கநாயக்க குறிப்பிடுகையில்,
இது தொடர்பாக குடும்ப சூழலில் பிள்ளைகளின் வளர்ப்பு முறையில் நிலவும் குறைபாடுகள் முக்கியத்துவம் வகிக்கும் அதேவேளை சமுதாயத்தின் உறுப்பினர்களாக உருவெடுத்துள்ள அத்தகைய இளைஞர்கள் தவறான வழியில் செல்வதைத் தடுத்து நிறுத்தும் பொறுப்பு பொலிஸாரின் கையிலேயே இருக்கின்றது.
ஆகையால் குறிப்பிட்ட பிரதேச பொலிஸார் இதனைக் கருத்திற் கொண்டு கடுமையான நடைமுறைகளை மேற் கொண்டு இந்நிலைமையைக் கட்டுப்பாட்டுக்குள் கொண்டு வர நடவடிக்கை எடுக்கும்படியும் பொலிஸாருக்கு பணிப் புரை விடுத்தார்.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM