தவறவிடாதீர்கள்..!உடனே பதிவு செய்யுங்கள்

அனைத்து பல்­க­லைக்­க­ழக மாணவர் ஒன்­றி­யத்தின் மருத்­துவ பீட ஒருங்­கி­ணைப்­பா­ள­ரான ரயன் ஜய­லத்தை கைது செய்ய பிடி­யாணை அவ­சி­ய­மில்லை எனவும் அவர் பொதுச் சொத்து துஷ்­பி­ர­யோக சட்­டத்தின் கீழ் தேடப்­படும் சந்­தேக நபர் என்றும் பொலிஸ் பேச்­சாளர் பொலிஸ் அத்­தி­யட்ச கர் ருவான் குண­சே­கர தெரி­வித்தார். நேற்று பொலிஸ் தலை­மை­ய­கத்தில் இடம்­பெற்ற ஊட­க­வி­ய­லாளர் சந்­திப்பின் போதே அவர் இதனைத் தெரி­வித்தார்.

கடந்த 20ஆம் திகதி ரயன் ஜய­லத்தை கைது செய்ய சிவில் உடையில் வெள்ளை வேனில் பொலிஸார் சென்­றதால் ஏற்­பட்ட பர­ப­ரப்பு தொடர்பில் விளக்­க­ம­ளிக்கும் போதே பொலிஸ்  அத்­தி­யட்சகர் இதனைத் தெரி­வித்தார்.

இது தொடர்பில் அவர் மேலும் தெரி­வித்­த­தா­வது,

கடந்த ஜூன் மாதம் 21ஆம் திகதி சுகா­தார அமைச்­சுக்குள் அத்து மீறி­யமை தொடர்பில் ரயன் ஜயலத் பொலி­ஸாரால் தேடப்­படும் சந்­தேக நப­ராவார். பொதுச் சொத்து துஷ்­பி­ர­யோக சட்­டத்தின் கீழ் அவ­ருக்கு எதி­ராக மாளிகா கந்த நீதிவான் நீதி­மன்றில் அறிக்கை தாக்கல் செய்­யப்பட்­டுள்­ளது. இது தொ­டர்பில் மரு­தானை பொலி­ஸாரும் சி.சி.டி. எனப்­படும் கொழும்பு குற்­றத்­த­டுப்புப் பிரிவும் விசா­ர­ணை­களை செய்து வரு­கின்­றன.  இந் நிலையில் ரயன் ஜய­லத்தை கைது செய்ய ஏற்­க­னவே குற்றத் தடுப்புப் பிரி­வினர் அவ­ரது வீடு அமைந்­துள்ள வந்­து­ரம்ப பகு­திக்கு சென்­றி­ருந்­தனர். தொலை­பே­சியில் அழைத்து அவர் சந்­தேக நபர் என்­ப­தையும் கூறி­யி­ருந்­தனர்.

பிடி­யாணை இல்­லாது கைது செய்ய முடி­யு­மான குற்­றச்­சாட்டே ரயன் ஜயலத் மீது உள்­ளது. இத­னை­விட 3049/16 என்னும் வழக்கில் கோட்டை நீதி­மன்­றினால் அவ ­ருக்கு எதி­ராக பிடி­யா­ணையும் பிறப்­பிக்­கப்பட்­டுள்­ளது. அது மட்­டு­மல்­லாமல் கோட்டை நீதி­மன்றில் மேலும் நான்கு வழக்­கு­களும் அவ­ருக்கு எதி­ராக நிலு­வையில் உள்­ளன. ரயன் ஜய­லத்தை கைது செய்ய பொலிஸார் டபி­ள்யூ.பி. என்.ஏ.4010 எனும் வேனில் சென்றி­ருந்­தனர். இது பொலிஸ் திணைக்­க­ளத்­துக்கு சொந்­த­மான வாகனமாகும். கொழும்பு குற்றத் தடுப்புப் பிரிவே அதனை பயன்­ப­டுத்­து­கின்­றது. கைது செய்ய சென்ற போது குற்றத்­த­டுப்புப் பிரிவின் பொறுப்­ப­தி­காரி, வேனின் சாரதி உள்­ளிட்டோர் சீரு­டை­யி­லேயே இருந்­துள்­ளனர். சிலரே சிவில் உடையில் சென்­றுள்­ளனர்.

சிவில் உடையில் சென்று பொலி­ஸாரால் கைது நட­வ­டிக்­கை­களை முன்­னெ­டுக்க முடியும். எனினும் கைது செய்ய சென்ற போது பொலிஸார் உரி­ய­வாறு செயற்­பட்­ட­னரா என்று ஆராய பொலிஸ் மா அதிபர் பூஜித் ஜய­சுந்­தர விசேட நட­வ­டிக்­கையை முன்­னெ­டுத்­துள்ளார்.  இது தொடர்பில் விசா­ரணை செய்து அறிக்கை சமர்­ப்பிக்க மேல் மாகாண சிரேஷ்ட பிரதிப் பொலிஸ்மா அதிபர் நத்­தன முனசிங்­க­வுக்கு  பொலிஸ்மா அதிபர் உத்தரவிட்டுள்ளார். அவரது அறிக்கை  ஒரு வாரத்தில் கிடை க்கும். அதில் பரிந்துரைக்கப்படும் விட யங்களுக்கு அமைய, பொலிஸார் கட மையை நிறைவேற்றும் போது  தவறிழை த்திருப்பின் நடவடிக்கை எடுக்கப்படும். என்று தெரிவித்தார்.