காட்டுப்பன்றிகளை  வேட்டையாடுவதற்கு சட்ட விரோதமான முறையிலமைக்கப்பட்டிருந்த   மின் கம்பியில் மாட்டிய இரு பிள்ளைகளின் தந்தை உடல் கருகி உயிரிழந்துள்ளதாக பூஜாபிட்டிய  பொலீஸார் தெரிவித்தனர்.

கடந்த 19ஆம் திகதி இரவு  10 மணி அளவில் வீட்டை விட்டு வெளியே  சென்றுள்ள குறித்த நபர்  வீடு  திரும்பாததால்  மறுநாள்  காலை முதல் அவரை தொடர்ந்து  தேடி உள்ளனர்.  பின்னர் அவரின் சடலம்  வயல் வெளியில் இருந்ததை பிரதேச மக்கள் கண்டுள்ளனர்.

இது தொடர்பில்  விசாரணைகளை மேற் கொண்ட பொலீஸார் அவ் விடத்தில் சட்ட விரோதமான முறையில் மின் கம்பி இணைக்கப்பட்டிருந்ததையும்  கண்டுள்ளனர்.

இவ்வாறு உயிரிழந்தவர்  ஏ.எம். நவரத்ன என்ற 35 வயதுடைய இரு பிள்ளைகளின் தந்தையாவார்.

இவரது மரணம் தொடர்பான திடீர் மரண விசாரணை இடம் பெற உள்ளது.