சட்டவிரோதமான முறையில் நாட்டிலிருந்து சிங்கபூரிற்கு வெளிநாட்டு நாணயத்தாள்களை கொண்டு செல்ல முயன்ற நபரை கட்டுநாயக்க விமான நிலைய சுங்க அதிகாரிகள் கைது செய்துள்ளனர்.

கைது செய்யப்பட்ட நபரிடமிருந்து 38 ஆயிரத்து 530 யுரோ பெறுமதியான வெளிநாட்டு நாணயத்தாள்கள் கைப்பற்றப்பட்டுள்ளதுடன் இதன் இலங்கை பெறுமதி 61 இலட்சத்து 21 ஆயிரத்து 224 ரூபா என சுங்க அதிகாரிகள் தெரிவிக்கின்றனர்.

சம்பவத்தில் காலியைச் சேர்ந்த 55 வயதுடைய நபர் ஒருவரே கைது செய்யப்பட்டுள்ளார்.

கட்டுநாயக்க விமான நிலைய சுங்க அதிகாரிகள் சம்பவம் தொடர்பில் மேலதிக விசாரணைகளை மேற்கொண்டு வருகின்றனர்.