தவறவிடாதீர்கள்..!உடனே பதிவு செய்யுங்கள்

ஆண் சிசுவொன்றை உறையில் போட்டு குழி தோண்டிப் புதைத்த சம்பவம் ஒன்று  நிவித்திகல பகுதியில் இடம்பெற்றுள்ளது.

நிவித்திகல உடதெல்வல எந்தான பகுதியில் இடம் பெற்ற இச்சம்பவம் தொடர்பில் 40 வயதான தாய் சந்தேகத்தின் பேரில் கைது செய்யப்பட்டுள்ளார்.

இச்சம்பவம்  நடைபெற்று பல நாட்களாயினும் இவருடன் தகாத உறவு வைத்திருந்ததாக கூறப்படும் நபர் ஒருவரால் நிவித்திகல பொலிஸ் நிலையத்தில் செய்யப்பட்ட முறைப்பாட்டையடுத்து, நேற்று குறித்த சந்தேக நபர் பொலிஸாரால் கைது செய்யப்பட்டுள்ளார்.

பொலிஸ் விசாரணையின் போது குற்றத்தை ஒப்புக்கொண்ட சிசுவின் தாய் தான் மலசல கூடத்துக்கு சென்ற போது பிரசவம் ஏற்பட்டு சிசு கீழே விழுந்து கதறியதாகவும் அதன்பின்னர் தான் சிசுவை உறையொன்றினுள் போட்டு வீட்டின் பின் குழிதோண்டிப் புதைத்ததாகவும் வாக்குமூலமளித்துள்ளார்.

இது தொடர்பில் மேலதிக விசாரணைகளை பொலிஸார் மேற்கொண்டு வருவதுடன், சந்தேக நபரான பெண்ணை நீதிமன்றத்தில் ஆஜர்படுத்தவுள்ளதாகவும் தெரிவித்தனர்.