தவறவிடாதீர்கள்..!உடனே பதிவு செய்யுங்கள்

கொள்ளுப்பிட்டிய கடற்கரையில் கரை ஒதுங்கிய நிலையில் மீட்கப்பட்ட யுவதியின் சடலம் இனங்காணப்பட்டுள்ளதாக பொலிஸார் தெரிவித்துள்ளனர்.குறித்த சடலம் வென்­னப்­புவ சால்ஸ் விலியம் மாவத்­தையில் வசித்த 25 வய­தான யுவதி என இனங்காணப்பட்டுள்ளது.

குறித்த யுவதி கடந்த 15 ஆம் திகதி முதல் காணாமல் போயிருந்த நிலையில் அவரது சடலம் கொள்­ளுப்­பிட்டி கடலில் கரை ஒதுங்­கிய நிலையில் மீட்­கப்­பட்­டுள்­ள­தாக பொலிஸார் தெரி­வித்­தனர்.

கடந்த வியா­ழக்­கி­ழமை  பிரத்­தி­யேக வகுப்­புக்­காக  கொழு­ம்­புக்குச் செல்­வ­தாகத் தெரி­வித்து வீட்­டி­லி­ருந்து சென்ற தமது மகள் மாலை­யா­கியும் வீடு திரும்­பா­தமையால் அவ­ரது பெற்றோர் உடனடியாக வென்­னப்­புவ பொலிஸ் நிலை­யத்தில் முறைப்­பா­டு செய்துள்ளனர்.

குறித்த முறைப்பாட்டின் பின்னர் இத்­த­கவல் அனைத்து பொலிஸ் நிலை­யங்­க­ளுக்கும் தெரி­யப்­ப­டுத்­தப்­பட்­டு மேற்கொள்ளப்பட்ட தேடலில் கொள்­ளு­பிட்டி கடற்­க­ரையில் குறித்த யுவ­தியின் சடலம் கண்­டெ­டுக்­கப்­பட்­டுள்­ள­தாகத் தெரி­விக்­கப்­ப­டு­கின்­றது. 

தமது மக­ளுக்கு தற்­கொலை செய்து கொள்­ளு­ம­ளவு கார­ணங்கள் எதுவும் இருந்­தி­ருக்­க­வில்லை என்றும்  இந்த மர­ணத்­துக்­கான கார­ணத்தை புரிந்து கொள்ள முடி­யா­துள்­ள­தாக பெற்றோர் பொலி­ஸா­ரிடம் தெரி­வித்­துள்­ளனர்.  

இச்சம்பவம் தொடர்பில் வென்னப்புவ மற்றும் கொள்ளுப்பிட்டி பொலிஸார் மேலதிக விசாரணைகளை மேற்கொண்டு வருகின்றனர்.