தவறவிடாதீர்கள்..!உடனே பதிவு செய்யுங்கள்

பிலியந்தலையில் பொலிஸ் போதைப் பொருள் ஒழிப்பு பிரிவு அதிகாரிகள் மீது மேற்கொள்ளப்பட்ட தூப்பாக்கிச் சூட்டு சம்பவத்துடன் தொடர்புடைய மற்றுமொரு நபரை சந்தேகத்தின் பேரில் கைதுசெய்துள்ளதாக பொலிஸ் ஊடகப்பிரிவு தெரிவித்துள்ளது.

கெக்கிராவ பஸ்தரிப்பு நிலையத்திற்கு அருகில் வைத்து இவர் கைதாகியுள்ளதாகவும் சந்தேகநபர்கள் பயன்படுத்திய மோட்டார் சைக்கிளைக் கொள்வனவு செய்த நபரே இவ்வாறு கைதுசெய்துள்ளதாக பொலிஸ் ஊடகப்பிரிவு தெரிவித்துள்ளது. 

மேலும் 49 வயதான இந்த நபர் ரம்புக்கனை பகுதியைச் சேர்ந்தவர் எனத் தெரியவந்துள்ளது.

சந்தேக நபர் இன்று கெஸ்பேவ நீதவான் நீதிமன்றத்தில் முன்னிலைப்படுத்தப்படவுள்ளார்.

கடந்த மாதம் 9 ஆம் திகதி இடம்பெற்ற இந்த துப்பாக்கிச் சூட்டு சம்பவத்தில் போதைப்பொருள் ஒழிப்பு பொலிஸ் அதிகாரியொருவரும் 11 வயதான சிறுமியொருவரும் உயிரிழந்ததுடன் மேலும் இரு பொலிஸ் அதிகாரிகள், இளைஞரொருவர் மற்றும் ஒரே குடும்பத்தை சேர்ந்த இரு பிள்ளைகள் காயமடைந்திருந்தனர்.

இந் நிலையில் காயமடைந்த இரு பிள்ளைகளில் ஒருவரான 11 வயதுடைய சிறுமி வைத்தியசாலையில் அனுமதிக்கப்பட்ட நிலையில் சிகிச்சை பலனின்னி உயிரிழந்ததை குறிப்பிடத்தக்கது.