தவறவிடாதீர்கள்..!உடனே பதிவு செய்யுங்கள்

அடுத்த ஆறு­மாத காலப்­ப­கு­தியில் மேலுமொ­ரு­ தொ­குதி காணி­கள் விடு­விக்­கப்­ப­ட­வுள்­ள­தாக சிறைச்­சாலை, மறு­சீ­ர­மைப்பு, புனர்­வாழ்வு, மீள்­கு­டி­யேற்றம் மற்றும் இந்து சமய விவ­கார அலு­வ­ல்கள் அமைச்சர் டி.எம்.சுவா­மி­நாதன் தெரி­வித்தார்.

யாழ்.வீர­சிங்கம் மண்­ட­பத்தில் நடை­பெற்ற தேசிய தைப்­பொங்கல் நிகழ்வில் கலந்து கொண்டு உரை­யாற்­று­கை­யி­லேயே மேற்­கண்­ட­வாறு தெரி­வித்தார்,

அவர் மேலும் உரையாற்றுகையில்,

நீண்­ட­கா­ல­மாக தமிழ்­மக்கள் சூரிய பக­வா­னுக்கு நன்­றி­செ­லுத்தும் முக­மாக இந்­நாளை சிறப்­பாக கொண்டாடி­வ­ரு­கின்­றார்கள். இது மிகவும் மகிழ்ச்­சி­யா­க­வுள்­ளது. மூன்று தசாப்த யுத்தம் நிறை­வுக்கு வந்­துள்­ளது. பல துன்ப துய­ரங்­களை கடந்து வந்­தி­ருக்­கின்றோம். சிறந்த எதிர்­கா­லத்தைக் கட்­டி­யெ­ழுப்ப வேண்­டி­ய­வர்­க­ளா­க­வுள்ளோம்.

எமது கட­மை­களை நாம் சரி­யாகச் செய்­ய­வில்­லை­யெனக் குற்­றச்­சாட்­டுக்­களை முன்­வைக்­கின்­றார்கள். ஜனா­தி­பதி மைத்­தி­ரி­பால சிறி­சேன, பிர­தமர் ரணில் விக்­கி­ர­ம­சிங்க தலை­மை­யி­லான அர­சாங்கம் தமிழ் மக்­க­ளுக்கு தேவை­யான அனைத்­தை­யும்­உ­ரிய காலக்­கி­ர­மத்தில் படிப்­ப­டி­யாக வழங்­கிக்­கொண்­டே­யி­ருக்­கின்றது.

எமது அர­சாங்கம் உங்­களால் தெரி­வு­செய்­யப்­பட்­டது. உங்­க­ளுக்­கா­ன­தே­வை­களை வழங்­கு­வ­த­னையே முதற்­கட்ட இலக்­காக கொண்­டி­ருக்­கின்­றது. நாம் ஆட்­சிப்­பொ­றுப்பை ஏற்­றதன் பின்னர் வடக்கு கிழக்கில் பல காணி­களை விடு­வித்­துள்ளோம். அடுத்த ஆறு­மாத காலத்­தின் மேலு­மொரு தொகுதி காணி­களை மக்­க­ளி­டத்தில் கைய­ளிப்­ப­தற்கு தயா­ரா­வுள்ளோம்.

தற்­போது சிங்­கப்பூர் பொரு­ளா­தா­ரத்தில் முன்­னிலை நாடாக உரு­வா­கி­வ­ரு­கின்­றது. காரணம் அந்த நாட்டை கட்­டி­யெ­ழுப்­ப­வ­தற்கு முயன்ற பிர­தமர் முதலில் பொது­மக்­க­ளுக்கு சொந்த வீடு­களை கட்­டிக்­கொ­டுத்தார். அவ்­வா­றி­ருக்­கையில் எமது நாட்­டிலும் எமது மக்­க­ளுக்­காக வீடுகள் அமைக்கும் செயற்­திட்­டங்கள் முன்­னெ­டுக்­கப்­ப­ட­வுள்­ளன. தற்­போது 65ஆயிரம் வீடு­களை அமைப்­ப­தற்­கான கேள்­வி­கோரல் செயன்மு­றைகள் முன்­னெ­டுக்­கப்­பட்டு வரு­கின்­றன. மிக­வி­ரைவில் அந்த திட்டம் முன்­னெ­டுக்­கப்­ப­ட­வுள்­ளது. வடக்கு கிழக்கில் குளங்­களை மீளவும் திருத்­தி­ய­மைப்­ப­தற்கும் திட்­ட­மிட்­டுள்ளோம்.

அர­சியல் கைதி­களை விடு­விப்­பதே எமது நோக்­க­மா­கவும் உள்­ளது. பலத்த சிர­மங்­க­ளுக்கு மத்­தியில் அவர்கள் நீதி­மன்றில் முன்­னி­லைப்­ப­டுத்­தப்­ப­டும்­போது புனர்­வாழ்­வ­ளிப்­பது தவ­றா­னது போன்ற கருத்­துக்கள் முன்­வைக்­கப்­ப­டு­வ­தனால் அந்த செயற்­பா­டு­களை முன்­னெ­டுப்­பத்தில் நெருக்­க­டி­களை எதிர்­கொள்­ள­வேண்­டி­யி­ருக்­கின்­றது

தற்போது இடம்பெயர்ந்த மக்கள் 32 முகாம்களில் தங்கியுள்ளார்கள். அவர்களை மீளவும் சொந்த நிலத்தில் குடியேற்றுவதற்கான நடவடிக்கைகளை விரைவாக முன்னெடுக்கவுள்ளோம். அதேநேரம் எமது அரசாங்கம் தமிழ் மக்கள் எதிர்கொள்ளும் அனைத்துப் பிரச்சினைகளுக்கும் நிரந்தர திர்வைப் பெற்றுக்கொடுப்பதையே இலக்காக கொண்டிருக்கின்றது என்றார்.